Избор на невестински креации беше понуден вчеравечер на петтото издание на Bridal Fashion Night, што со одржа во „Скопје Мериот хотел“ под мотото Real Venue for Real Brides. Петтата модна ноќ на невестите ја отвори ревијата на салонот за венчаници „Зиане“ со креација која ја носеше познатата ТВ водителка Милена Антовска. „Инспирацијата за колекцијата ја добив замислувајќи ги идните невести како од спортската дневна линија на облекување се трансформираат во гламурозен изглед за специјалниот најубав ден во животот“, објаснува дизајнерката Зиане Бакиу.
„Зиане“
„Зиане“
„Зиане“
Наташа Карчева од ателјето „Ал Апарел“ ги прикажа креациите од Timeless Beauty за кои вели „акцентот е ставен на женската силуета која суптилно се назира во прозрачните материјали: француската свила, најмекиот тул, богато везени тантели и цврсти брокати надополнети со многу рачно изработени детали. Цветните принтови и 3Д форми повторно ги надополнуваат лелеавите здолништа.“
„Ал Апарел“
„Ал Апарел“
„Ал Апарел“
Еlizabet Design Studio инспирирано од животната енергија симболично ја нарече новата колекција „Вигор“. Автентичен авангарден израз за невести кои имаат личен стил, смели да се вклопат во современиот стил на живеење каде покрај естетиката важен е и комфорот. Изборот на материјали е внимателно селектиран и придонесува оваа година венчаниците да бидат во винтиџ стил, осовремен со модерен израз.
Еlizabet Design Studio
Еlizabet Design Studio
Еlizabet Design Studio
На овогодинешниот Bridal Fashion Night учество земаа и ателјето Vlora&Kaltrina како и косовската модна куќа „Менакон“ која вчеравечер претстави гламурозна колекција наречена BROF со раскошни венчаници низ кои се прелева палета од бои и луксузни материјали.
Vlora&Kaltrina
Vlora&Kaltrina
Vlora&Kaltrina
„Менакон“
„Менакон“
„Менакон“
Вечерта во организација на „Моден викенд Скопје“ ја затвори ревијата на дизајнерката Јасмина Дракул. „Инспирацијата за колекцијата ја црпев од моќноста и уникатноста на гламурозните венчаници и тоалети на кралските семејства, поврзана со лежерниот романтизам со цел да се долови тој гламурозен изглед на нашите постори по кој многумина мечтаат. Моите креации ја претставуваат жената која е нежна а моќна, вистинска кралица на својот посебен ден.“, вели Дракул.
Јасмина Дракул
Јасмина Дракул
Јасмина Дракул
Нема коментари