Е-продавницата „Митра” и реномираниот бренд за кошули „Casa Gracian” здружуваат сили во заедничка колекција под името „Casa Gracian White Collection” која ќе биде достапна ексклузивно на онлајн продавницата.
Брендот „Casa Gracian”, во сопствеништво на Мимоза Ван Дер Стеене, постои веќе 24 години и за прв пат соработува на колекција со македонска онлајн продавница. За „Митра”, оваа соработка значи зголемување на портфолиото на заеднички проекти со реномирани брендови и дизајнери од земјата.
„Се наоѓаме во време на Ковид-19, така што неминовно беше продажбата да се олесни и да се пренасочи онлајн, а воедно да покажеме дека секогаш постои светло на крајот од тунелот. Оттаму дојде и ‘Casa Gracian White Collection’ како име на ексклузивната колекција”, вели сопственичката Мимоза.
Колекцијата „Casa Gracian White Collection” содржи класични, но и модерни кошули за жени и за мажи со внимателно осмислен дизајн, изработени од квалитетни, природни материјали. Машките кошули се еднобојни, во бела и сина боја. Женските кошули, исто така вклучуваат модели во бела и сина боја, но и модел со сино-бели риги, модел со карнери и карирани детали на ракавите, модел со принт-детали на крагната и ракавите, како и модел со елегантна шал-крагна.
„Casa Gracian спојува префинетост, достоинство, отменост, фин вкус, углед и авторитет. Естетиката на брендот може да се опише и како англиско-аристократска со доза на трендовски детали. Карактеристично за овој стил е тоа што е малку конзервативен, но со употреба на модни детали се преобразува во модерен стил наменет за секоја жена и маж”, објаснува тимот кој стои зад оваа соработка.
„Митра” е онлајн продавница основана во 2019 година од женски тим, фокусирана на квалитетна и широка понуда на производи од домашни и светски добавувачи. „Митра” има за цел да им го подигне квалитетот на животот и да им заштеди време на македонските потрошувачи нудејќи внимателно одбрани производи и достава низ целата земја. Веб-страницата има современ, минималистички дизајн кој е лесен и прегледен за користење и фокусиран на едноставно, безбедно плаќање.
Летово, „Митра” беше актуелна и со колекцијата на облека „Ношпал Митра Limited Edition” создадена во соработка со реномираниот македонски моден дизајнер Александар Ношпал ексклузивно за е-продавницата.
Колекцијата „Casa Gracian White Collection” е во продажба од денес, ексклузивно на www.mitra.mk.
Нема коментари