Fashion Groupја продолжува традицијата на поддршка на претставниците за Евровизија, па по минатогодишната соработка со Тијана Дапчевиќ, оваа година компанијата се јавува како моден партнер на Даниел Кајмакоски. Даниел ќе носи облека, обувки и модни додатоци од брендовите кои ги опслужува компанијатакако Bata, Geox, Timberland, Fashion&Friends, Springfield, Celio*, Bitsiani, Hugo Boss… Младешкиот дух и ведрината која ја проектира Даниел одлично одговараат со духот на брендовите на групацијата, a Fashion Group ќе биде задолжен за изгледот на Даниел при секое негово појавување во текот на подготовките, промо турнејата, како и за време на престојот во Виена, Австрија.
При изборот на облека од брендовите, освен познатата стилистка Ивана Ребреновиќ, и самиот Даниел активно ќе биде вклучен во процесот и ќе ги бира и споделува своите омилени моднипарчиња на социјалните мрежи, изразувајќи го сопствениот стил, преку кој фановите ќе ја запознаат неговата „модна“ страна. Партнерството со Даниел ќе продолжи и по завршувањето на Евровизија 2015 преку неколку заеднички проекти, кои ќе бидат дополнително објавени.
Ова не е првата соработка на компанијата со Даниел Кајмакоски,кој при крајот на 2014 година соработуваше со брендот Bitsiani за неколку свои настапи.Fashion Group ги препознава и поддржува македонските таленти, овозможувајќи им да изгледаат убаво, модерно и да се издвојуваат од останатите. Богатото портфолио на брендови, дел од групацијата, им прилегаат на различните вкусови и потреби на купувачите, кои сакаат да бидат во тек со модата и трендовите, а притоа самите да можат да го пронајдат својот карактер и вкус „отсликан“ преку модните парчиња од различните брендови.
Нема коментари