Годинешната студентска модна ревија на Технолошко-металуршкиот факултет беше во знакот на одбележувањето на 60 години од основањето на факултетот, па тоа и ја наметна нејзината тема – Decades („Декади“). Во исто време ова е 20-та ревија по ред на оваа образовна институција. Студентите на втора, трета и четврта година Институтот за моден дизајн и инженеринг на облека при ТМФ дадоа своја визија на неколку декади, а работеа под менторство на професорката Лидија Георгиева.
Почнувајќи од 60-тите години, модното патување го опфати и почетокот на милениумот и заврши со стилска визија на иднината. На ревијата студентите прикажаа модели карактеристични за хипи ерата и инспирирани од клупската сцена од 90-тите, а за референци искористени се разни музички и уметнички правци – глам рокот, Енди Ворхол, футуризам, Крафтверк, панк рокот, како и развојот на технологијата. Глобалното затоплување, нуклеарните несреќи, терористичките напади и другите настани кои што го обликуваа општетството во последните декади, очигледно влијаат и на модниот израз, и тоа е една од идеите што студентите ја развиваа при креирањето облека.
Фотографии: Томислав Георгиев
Нема коментари