Еден од најмистериозните и таинствените ликови во модниот свет, дизајнерот кој никогаш не дал интерву и се одрекува од секакви снимања е протагононистот на краткиот документарен филм The Artist is Absent: A Short Film on Martin Margiela (Уметникот е отсутен: краток филм за Мартин Марџела) снимен под продукција на Yoox.com. Филмот дава речиси единствена можност да се „види“ дизајнерот како личност и ја отвора вратата на иновативниот свет на белгискиот моден гениј кој го промени погледот на светот на модата. За ликот на еден од најистакнатите уметници дизајнери во последните три децении дознаваме повеќе од разговорите со Жан Пол Готје, Раф Симонс и интернационалната уредничка на Vogue Сузи Менкес.
Филмот доби награда за најдобар краток документарен филм на Трајбека филм фестивал и од 27 април ќе може да се гледа онлајн на yoox.com, thecorner.com и shoescribe.com. „Благодарение групацијата Yoox милиони гледачи низ целиот свет ќе се запознаат со брилијантниот дизајнер и ќе го откријат уникатниот свет на еден од најиновативните дизајнери на векот“, вели режисерката Алисон Черник.
Нема коментари