„Супермоделите“ (The Super Models) на AppleTV+ покажува како Линда Евангелиста, Синди Крафорд, Наоми Кембел и Кристи Тарлингтон ја трансформираа модната индустрија. Документарецот, кој се фокусира на четирите супермодели, ќе биде премиерно прикажан на стриминг платформата на 20 септември.
Документарната серија се состои од четири епизоди во кои секоја од легендарните модели зборува за својот живот. Секоја поединечна епизода ја следи кариерата на една манекенка од 80-тите до денес, а вчера беше претставен и првиот тизер. Во него гледаме само драматична најава од само 14 секунди со посебен кадар од секој од нив, а слушаме и новинарско прашање кое гласи: „Како би го дефинирале поимот супермодел?“
Четирите жени, Наоми Кембел, Синди Крафорд, Линда Евангелиста и Кристи Тарлингтон, достигнаа невидена слава во 80-тите и 90-тите, растејќи заедно како група и појавувајќи се во бројни модни кампањи и ревии, како и во познатиот музички спот Freedom на Џорџ Мајкл.
Во 2020 година, Евангелиста се огласи на својот Инстаграм профил за да ги сподели своите размислувања за претстојниот проект: „Би сакала луѓето да го сфатат ова како прослава не само на нашите индивидуални приказни, туку и на моќта на пријателството, соништата и упорноста“.
Серијата „Супермоделите“ ќе го прикаже кариерниот пат на четирите манекенки, вклучително и нивната средба во Њујорк во 80-тите. сè до нивните денешни филантропски, активистички и деловни потфати.
Синди Крафорд и Кристи Тарлингтон во сцена од серијата
Според соопштението за печатот од AppleTV+, проектот е опишан како „ултимативна приказна за моќта и како четири жени се собраа за да ја потврдат таа моќ, отворајќи го патот за оние што ќе го следат“.
Документарецот ќе објасни како четирите жени ги смениле и манекенството и модната сцена, а притоа ја зачувале својата блиска врска. Со ексклузивни снимки од зад сцената на пистата и камерите, „Супермоделите“ ќе прикажат и како реномираните модели станаа познато име, подеднакво истакнато како и луксузните брендови со кои соработуваа низ годините.
Нема коментари