Работата во изолација и тоа во Бејрут кој не така одамна настрада од експлозија, го поттикна либанскиот дизајнер Ели Саб светот на соништата да го демонстрира во неговата најтеатарска колекција досега
Шест меесеци по големата експлозија во Бејрут во која настрада и неговата работилница на висока мода, дизајнерот и неговиот тим останаа во изолација поради пандемијата, а неговите персонал од 400 вработени работеа во смени и со строги протоколи. Но тоа не го спречи да создаде некои од неговите најекстравагантни дизајни до сега – театрални фустани кои блескаат со илјадници кристали, креации покриени со пердуви и со драматични набори од органза.
-Со сè што се случува околу нас, навистина треба да сонуваме. Обично, 90 проценти од моите дизајни се „носливи“. Овој пат, отидов малку подалеку со понагласен волумен и пердуви, бидејќи мислам дека кога сонуваме, сакаме да видиме работи што се малку недостапни – изјави Саб за новата haute couture колекција наречена „Театар на соништата“.
Саб не беше во можност да ги подготви новите креации навреме за париската недела на висока мода, која заврши пред три недели. Но, и покрај сите тешкотии, дизајнерот успеа да ја реализира целата колекција и конечно ја претстави пред неколку дена преку висдео и фотографии.
Нема коментари