Британското издание на модниот магазин Elle вчеравечер ги доддели годишните стилски награди на свечен настан во музејот Tate Britain во Лондон, а најголемиот број на признанија отидоа во рацете на модните дизајнери и познати манекенки кои покажаа интерес и успех во разни области.
Стела Макартни е британски бренд на годината, Србинката Роксанда Иличиќ е британски дизајнер за 2016-та, а францускиот дизајнер Албер Елбаз доби награда за особено остварување во модата. Супермоделката Карли Клос е инспиративна жена на годината, а Суки Вотерхаус е прогласена за модел со најголем пробив. Ања Хајдмарч е најдобра дизајнерка на модни додатоци, а Клер Вејт Келер од модната куќа „Клое“ е личност на годината според изборот на уредниците на Elle. Наградени се и Ени Ленокс за акциите во борбата против ХИВ/Сида, манекенката Алек Век која сега е посветена на дизајн на чанти и активизам во разни области, потоа Лив Тајлер, Матиас Шонертс, Суки Вотерхаус, Џордан Дан…

Стела Макартни со награда за британски бренд, а Роксанда Илинчиќ прогласена за британски дизајнер на годината
На настанот на Elle се појавија повеќе познати личности во разни помалку или повеќе успешни комбинации, кои се движеа од доминација на бели и црни фустани, пофалбен стајлинг за Лив Тајлер, Карли Клос и Аризона Мјуз, до шареноликиот изглед на Нуми Рапас, Палома Фејт и на Амбер де Бон.
Нема коментари