Емануеле Фарнети е новиот главен уредник на италијанското издание на Vogue и на машката верзија L’Uomo Vogue, според објавата на WWD, а информацијата е потврдена на веб страницата и на Инстаграм профилот на Vogue Italia. Фарнети ја наследи Франка Соѕани, долгогодишната уредничка на Vogue Italia, која за жал почина во декември минатата година.
-Емануеле, кој досега бил главен уредник на осум различни публикации во текот на својата кариера, во моментов е еден од најпознатите експерти, најомилениот и наталентираниот главен уредник што го има Италија. Се смета за вистински „создавач на магазини“ кој е способен да донесе новини, свежа уредничка содржина и висок квалитет на секој наслов – рече Џонатан Њухаус, извршен директор за сите интернационални изданија на Condé Nast.
Фарнети навистина има големо искуство во светот на магазините. Во 1999 година се приклучил на компанијата Condé Nast (издавач на некои од најважните светски наслови – Vogue, W, Glamour, Vanity Fair, Allure, GQ, Wired, New Yorker, Architectural Digest, Brides, Style.com… ) и бил дел од тимот кој ја лансираше италијанската верзија на машкиот магазин GQ. Подоцна работел во различни италијански медиуми како La Gazzetta dello Sport, Sportweek, Men’s Health, Flair, и во списанието што самиот го лансирал, Icon. Во 2014 година се враќа во Condé Nast како главен и одговорен уредник на списанието за внатрешен дизајн Architectural Digest , а до неодамна беше уредник на GQ Italia.
Дел од насловните сработени под уредништвото на Франка Соѕани
Новиот уредник се очекува достојно да ја наследи Франка која беше неверојатна, талентира и под чие водство настаа огромен број импресивни едиторијали и фотосесии кои италијанскиот Vogue го донесоа на врвот на листата на најдобрите модни списанија.
-Франка беше една и единствена. Сепак, самата Франка сметаше дека Vogue говори сам за себе и покрај креативноста на секој поединец. Таа го познаваше и почитуваше Емануеле и мислам дека би го одобрила овој избор – изјави Њухаус.
Vogue Italia почна со работа во 1966 година и пред Емануеле, публикацијата имала само два уредника – Франко Сартори, и Соѕани која скоро три децении го водеше списанието како главен уредник.
Нема коментари