Актерката Ева Мендес позира во фотосесија во новото издание на списанието Shape и во интервјуто открива како се храни, вежба и како ја одржува линијата после раѓањето на двете ќерки Есмералда (2 години) и Амада (11 месеци), кои што ги има од врската со Рајан Гослинг. Таа вели дека со две мали деца постојано е во движење, што ѝ помогнало побрзо да ја врати витката линија. Иако е зафатена со децата се обидува да најде слободно време за тренинг, макар биле тоа само неколку минути. Тренингот за неа е време посветено само за себе, па покрај мајчинството прироритет ѝ е да си посвети барем еден час дневно за својата добросостојба. Ева сака трчање и спринт, и вели дека гледа подобри резултати во трчањето комбинирано со кревање тегови, отколку во 30 минути со кардио вежби на подвижна лента.
-Всушност, поголем предизвик ми беше да се вратам во форма по втората ќерка. Сепак, не беше толку тешко како што мислев дека ќе биде, бидејќи постојано сум во движење, никогаш не седнувам, по цел ден нешто работам – вели Ева за Shape.
Актерката која вежба три пати во неделата, раскажува за својот начин на исхрана. Јаде многу здраво, многу лосос, киноа и салати, од дома ги има исфрлено сите елементи на junk food, а благото е ставено на минимум. Но, открива и една необична навика – секој ден го јаде истиот оброк и за ручек и за вечера.
-Денот обично почнувам со јајца. Мислам дека јајцата се како магија, толку многу работи можете да направите со нив, јас најчесто правам кајгана и ја јадам со тостиран леб. Пораснав јадејќи ориз и грав, и така секогаш се трудам да се има некој вид на житарка во секој оброк. За ручек јадам најчесто лосос со ориз или со киноа и се обидувам секогаш да имам и салата. Истиот оброк го јадам и за вечера. Роб сум на навиките во овој поглед. Не се замарам премногу со исхраната, таа за мене е само гориво за телото. Морам да признаам, она за што чезнеам е јадење на маса. Во моментов сум во фаза со две мали деца и јадам во движење и од нога – признава актерката Ева Мендес.
Што се однесува до благото, има едно слатко задоволство кое треба да го избегнува, но не може да му одолее – омиленото чоколадо Cadbury eggs, слично на киндер јајца.
Ева признава дека е домашарка и сака комфорна домашна атмодфера. Повеќе би седела дома со децата отколку да се појавува на холивудски настани, тоа е и причината што не се појави на овогодинешното доделување на „Окарите“, кога нејзиниот сопруг Рајан Гослинг беше номиниран во категоријата најдобра машка улога за филмот „Ла ла ленд“.
Нема коментари