Врвниот дизајн, модата, технологијата и добриот вкус ќе се спојат на едно место на првото издание на Fashion & Lifestyle Expo, што од 18 до 20 март ќе се одржи во Македонската опера и балет. На настанот ќе може одблизу да се погледнат последните модни трендови и новитетите во областа на технологијата, електрониката, автомобилизмот, внатрешното уредување, проследени со одлична музичка и шоу програма. Посетителите ќе може да наздрават со ексклузивни пијалоци и да се засладат со високо квалитетна чоколада. На отворањето на 18 март (петок) во 20 часот ќе настапи Filip Stevanovski Trio, следуваат Live Show и диџеј Boogieman.
Aвторките на Skopje Casual ќе одржат предавање на тема како до успешен моден блог во Македонија на 19 март во 13 часот
Програмата почнува наредниот ден во 12 часот со патување и животен стил: приказна раскажана низ романите на Елизабет Адлер . Следува предавање од авторките на модниот блог Skopje Casual – на тема како до успешен моден блог во Македонија. Во 14 часот ќе се одржи модна работилница за градење личен стил / комбинирање на дизајнерски и брендирани парчиња со познатата дизајнерка Јована Филиповиќ, младиот креатор Игор Марков и со Fashion & Friends. Во тек е пријавувањето за оваа работилница каде што ќе може да се дознаат од нашите дизајнери нови начини како да внесе смелост и креативност при секојдневното комбинирање на парчињата облека. Како истовремено да бидете смели, но и практични, така што со вешто комбинирање, секојдневната облека ќе ја трансформирате во елегантна, а елегантната во секојдневна.
Јована Филиповиќ ќе одржи модна работилница за градење личен стил
Посетителите во 17 часот ќеможе да се запознаат со македонскиот рубин. Следува панелот Gorenje by Starck – одраз на Вашиот животен стил и личност како и дегустација на вино од „Тиквеш“. Со почеток во 21.30 ќе се одржи модна ревија на долна облека на Wolford . Денот ќе заврши со забава со популарниот диџеј Гоце. Во недела денот ќе почне со Едукативно – креативна работилница за деца: Да се запознаеме со Бреинобраин, следуваат Дуна Компјутери – Moќност, префекција, живот со стил, средба со студиото за нега на домашни животни Ashaya Exclusive Pet Grooming Studio, Indulge in Style & Luxury / Стил и луксуз , предавање како да се биде најдобра верзија од себе со Центар за бизнис психологија. Влезот од 12 до 20 часот е бесплатен, а по 20 часот ќе чини 100 мкд.
Нема коментари