Колку пара пижами од брендот „Викторија сикрет“ ви се потребни?! Колку модели на бикини треба да поседувате?! Дали е претеарано да имате 37 еспадрили од „Шанел“ со сличен излед?! Ова се дел од прашањата што пробавме да си ги одговориме откако го изгледавме гардероберот вреден 5 милиони фунти на богаташката Тамара Еклстоун, ќерката на билионерот и шеф на Формула 1 Берни Еклстоун и на Хрватката Славица Радиќ.
Таа периодов дозволи снимање во нејзиниот раскошен лондонски дом проценет на 70 милиони фунти, како дел од новата сезона на реалното шоу „Светот на Тамара“, меѓу другото дозволи поглед и во плакарот полн со дизајнерски парчиња. А таму се сместени 81 пар пижами од „Викторија сикрет“, 57 пара костими за капење од Мелиса Одабаш, 22 пара влечки со потпис на „Гучи“, 95 клач-чанти, 75 фустани со цветен дезен наменети само за летување, безброј други дизајнерски креации… Тамара всушност има две главни соби-гардеробери, еве едно видео во кое ја открива гардеробата со облека и додатоци наменети за пролет и лето.
На прва гардероберот е импресивен, ама во исто време открива кич елементи и претерана доза на раскош. Тамара деновиве беше критикувана по социјалните мрежи во однос на обемноста и расфрлањето со пари во секој поглед, на што одговори „Можеби е екстремно, ама ова е мој живот“. Да, во право е, може да прави што сака во сопствениот живот. Ама останува фактот дека таа е уште еден пример дека стилот со пари не се купува.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари