Вчеравечер во лондонската концертна сала „Ројал Алберт Хол“ беа доделени годишните Модни награди (Fashion Awards), претходно познати како Британски модни награди (British Fashion Awards). Бројни личности од британската и светската мода, заедно со славни актери, музичари, спортисти и водители, прошетаа на црвениот килим, а потоа присуствуваа на церемонијата која почна со доделување на признание на Марија Грација Кјури од „Диор“ за позитивни промени во модата.
Стела Макартни, Џонатан Андерсон и Адвоа Абоа меѓу наградените
За модел на годината прогласена е Адвоа Абоа, наградата за урбан луксузен бренд му припадна на Вирџил Абло од Off White, шминкерката Пет Мекграт ја доби наградата на Изабела Блоу за креативност, а за британски таленти се прогласени дизајнерите Мајкл Халперн за женска и Чарлс Џефри за машка кочелција.
Модниот аналитичар Дерек Бласберг и Мис Пиги ги пречекуваа гостите на црвениот килим пред „Ројал Алберт хол“
Супермоделот Наоми Кембел одржа емотивен говор за нејзиниот пријател и моден креатор Азедин Алаја, кој постхумно ја доби наградата за извонреден придонес во светската модна индустрија. Кристофер Бејли, кој наскоро ќе ја напушти позицијата на креативен директор во „Барбери“, доби признание за својот придонес во британската мода. Стела Макартни доби специјална награда за иновации, Донатела Версаче според Модните награди е стилска икона, а Марко Бизари од „Гучи“ е бизнис лидер.
Раф Симонс е дизајнер на годината
За најдобри британски дизајнери прогласени се Џонатан Андерсон (за својот бренд JW Anderson) за женска, и Крег Грин за машка колекција. Андерсон, ја доби и наградата за најдобар дизајнер на модни додатоци, но за неговата работа во модната куќа Loewe. Главната награда за дизајнер на годината му припадна на Раф Симонс, креативен директор на Calvin Klein.
Манекенки и спортисти
Попи Делевињ во креација на Џамбатиста Вали
Главниот уредник на Vogue UK Едвард Енинфул во друштво на Џон Галијано
Манекенките Џордан Дан и Карли Клос, а супермоделот Наоми Кембел на настанот дојде заедно со нејзината мајка
Зендаја, Џема Атертон и Лејди Амелија Виндзор
Донатела Версаче, Ирина Шајк и Алекса Чанг
Селина Гомез, Амбер Валета и Џована Батаља
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари