Модната куќа „Гучи“ го претстави новиот фустуристички центар за индустриско мајсторство и експериментирање на обувки и парчиња од кожа, кој е наречен Gucci ArtLab. Сместен е близу седиштето на компанијата во Фиренца, зазема 37.000 квадратни метри и има 800 вработени кои во центарот развиваат производи од кожа и рачно изработени иновации, и прават лабораториски истражувања поврзани со нови одржливи материјали, метални детали и пакувања. Овој центар е резултат на визијата на креативниот директор Алесандро Микеле, а зградата во која е сместен има рачно обоена фасада и е украсена со делата на уметници со кои „Гучи“ соработува во последно време како Игнасио Монреал, Коко Капитен, Анџелика Хикс и Unskilled Worker.
Центарот на „Гучи“ работи во тајност од почетокот на годината, но дури дновиве беше откриено неговото постоење. „Откривањето на Gucci ArtLab дефинитивно претставува едно од најголемите достигнувања во тригодишното креативно патување на куќата и едно од најзначајните индустриски инвестиции во нашата земја. Ова е доказ за нашето верување во креативноста, занаетчиството, иновациите и технологијата, одржливоста и нашиот однос во оваа област. Многу сум благодарен на сите оние кои се заслужни за остварувањето на овој сон, на локални и национални власти, на компанијата „Керинг“ и на сите колеги визионери во апсорбирањето на нови идеи од целиот свет. Gucci ArtLab е совршен израз на корпоративната култура која ја градиме и развиваме во рамките на „Гучи“ – изјави Марко Бизари, претседател и извршен директор на оваа модна куќа.
Погледнете како изгледа и како е уреден просторот кој ги спојува креативноста, одржливата мода и рачната изработка.
Нема коментари