Модната куќа „Гучи“ и дизајнерот Алесандро Микеле ја лансираат еко линијата Off The Grid, првата колекција како дел од иницијативата на куќата за циркуларно производство. Оваа колекција се фокусира на позитивни промени за луѓето и планетата, дизајнирана е да ги задоволи еколошката одржливост и почитувањето на животната средина, а во исто време е и родово неутрална. Off The Grid ја промовираат неколку личности, како Џејн Фонда, познатата холивудска актерка, но и активистка. Потоа актерот и гитарист Мијави, екологот и истражувач Дејвид де Ротшилд, раперот Lil Nas X, изведувачот и музички продуцент King Princess.
Во колекцијата се користат рециклирани органски материјали засновани на био и одржливи извори, како ECONIL, рециклиран најлон направен од најлонски отпад. Содржи додатоци, чевли и унисекс облека. Во рекламната кампања, жителите на градот градат дрвена куќа сместена во срцето на модерната метропола. Со ова дизајнерот Микеле сака да го пренесе контрастот помеѓу два концепта – урбаниот живот и задоволството да се биде во природа. Видеото го режира Хармони Корин.
-Оваа колекција е резултат на тимска работа. Кампањата има и идеја за дијалог помеѓу луѓето што градат нешто ново. Мислам дека би можеле да изградиме селска куќа во центарот на градот, сите заедно, како деца кои си играат во парк. Сите ние треба да ја градиме оваа куќа и откриваме дека нашата планета постои, дури и таму каде што се чини дека таа не постои или едалеку – сподели дизајнерот.
Нема коментари