Откако обемно го користеше вистинското крзно за бунди и за оние популарните влечки поставени со крзно, италијанската модна куќа „Гучи“ одлучи да престане да го користи во своите креации, почнувајќи од колекцијата за пролет 2018. Оваа официјално го соопшти извршниот директор Марко Бизари, за време на дебатата Kering Talk на Лондонскиот колеџ за мода.
По соработката со организациите Human Society од САД и LAV, италијанска група за благосостојба на животните, „Гучи“ се приклучи на интернационалната Fur Free Alliance и гарантира дека брендот ќе ја запре употребата на животинско крзно, вклучувајќи крзно од лисица, зајак, којот и сите други животински видови специјално одгледани или фатени токму за нивното крзно.
-Да се биде општествено одговорен е една од основните вредности на „Гучи“, и ние ќе продолжиме да се стремиме да правиме добри дела за животната средина и за животните. Со помош на HSUS и LAV, „Гучи“ ќе го преземе следниот чекор и се надева дека ќе помогне во инспирирање на иновациите и да ја подигне свеста, менувајќи ја луксузната модната индустрија на подобро – рече Бизари за одлуката на брендот и нагласи дека носењето вистинско крзно повеќе не е модерно.
Со оглед на многуте досегашни изработки на бунди и други креации со крзно, ова соопштение е прилично голем потег за италијанската модна куќа. „Гучи“ е еден од последните луксузни брендови кои забранија употреба на крзно, следејќи го примерот на Стела Макартни (која отсекогаш креирала мода за вегетаријанци), потоа Џорџо Армани, Хуго Бос и сајтот Net-a-Porter. Со оглед на големото влијание на „Гучи“ на светската модна сцена, се надеваме дека овој чекор ќе ги поттикне другите брендови конечно се ослободат од крзно.
Нема коментари