Handcrafted:mk е новоснована платформа за поддршка при започнување на мали бизниси чијашто основа е рачната изработка. Се обраќа на дизајнери од сите возрасти и образовни позадини кои сакаат да започнат сопствен бизнис што ги вклучува македонските традиционални занаети. Платформата е во постојана потрага по иновативни и современи дизајнерски идеи што би можеле да прераснат во сериозен бизнис што нуди конкуретен производ на локалниот, регионалниот и меѓународниот пазар. Така, таа ќе промовира и застапува производи од брендовите учесници преку саемски учества, он-лајн продажба, „поп ап“ продавници, изложби и презентации на македонската и меѓународната сцена. Платформата ќе организира обуки, предавања, работилници, натпревари, конкурси и менторства во соработка со професионалци во полето на современиот дизајн и експерти од бизнис заедницата, што ќе ги охрабри и подготви учесниците за претриемништво и лансирање на сопствен бренд.
Платформата на 6 селектирани учесници ќе им понуди и организира:
- Поддршка и водство при создавање на првата пилот колекција
- Финансика помош за основни материјали за пилот колекција
- Менторство од експерт во полето на дизајн Александар Ношпал (моден дизајнер и костимограф), Лидија Георгиева (моден дизајнер и професор на ТМФ-Скопје) и Моника Лозановска (дизајнер на накит и филигран)
- Три еднодневни работилници на следните теми
1. Изработка на бизнис план и менаџмент,
2. Брендирање, визуелен идентитет и маркетинг
3. Пристап до финансии и обезбедување на основни средства за почеток на активност во креативните индустрии
- Редовни состаноци со тимот и менторите при развивање на колекцијата
- Групна изложба „handcrafted:mk 2018“
- Помош при понатамошни учества на саеми, изложби и маркети во земјава и странство
- Поврзување со соодветна индустрија во Р. Македонија со цел развој на брендот
Аплицирајте до 22 aприл 2018 за првиот циклус. Дознајте повеќе за процесот на пријавување на следниот линк.
Нема коментари