Новото издание на Париската недела на висока мода се одржува во дигитален формат, во стартот прикажана новата haute couture колекција на Диор која обилува креации украсени со тарот карти и хороскопски знаци. Креативната директрока на оваа модна куќа, Марија Грација Кјури, во оваа ера на пандемија креира раскошни модели, но во исто време креира и дух на мистицизам и ескапизам од неспокојноста на Ковид-реалноста.
„Светот на модата е средба, микс од магија, уметност, дух, езотерија, фантазија и убавина“ Марија Грација Кјури
Кјури откри дека колекцијата е инспириана од тарот картите и повеќето креации ги доловуваат сликите од шпилот тарот карти од 15-от век познат како Висконти-Сфорца. Дизајнерката вели дека ја употребила референцата на тарот карти „за да ги охрабри другите да не се плашат од нештото што не го знаат“.
Новата колекција на висока мода на Диор за пролет-лето 2021 беше претставена преку фотосесија и 15-минутно видео снимено во еден замок во Тоскана.
Нема коментари