Глобалната компанија за исхрана „Хербалајф“ ја презентираше важноста на балансирана исхрана и активен и здрав начин на живот на вчерашната средба со новинарите што се одржа во скопскиот хотел „Арка“. На настанот кој го почнавме со чаша вода со алое вера, хербален чај и шејк од линијата Formula 1 на „Хербалајф“, на неформален начин беше презентиран глобалниот научен пристап во исхраната, кој според компанијата ги менува животите на луѓето преку сцоите висококвалитетни производи.
На настанот зборуваше Нина Себечиќ Црнолатац, директор за Југоисточна Европа во „Хербајалф“, која што ја објасни философијата на компанијата за здрави оброци, концептот Seed-to-Feed и за важноста од физичка активност.
-Горди сме да бидеме препознаени во Македонија како бренд на кој може да му се верува, кој им помага на луѓето на нивниот пат кон подобар, поактивен и здрав начин на живот. Нашите нутритивни производи и додатоци се развиени под надзор на научни лидери и се формулирани со витамини, минерали и други хранливи материи. Нашата Seed-to-Feed посветеност на квалитетот, осигурува дека ги тестираме производите од засадувањето на состојките, преку процесот на преработка во објектите на нашата компанија до дистрибуцијата, со цел да го обезбедиме квалитетот на сите производи на „Хербалајф“. Особено сме горди да кажеме дека над 200 милиони американски долари се инвестирани во квалитетот и науката на нашите нови објекти, во истражување и развој, во обезбедување на квалитетот, во безбедност на производите и нивна усогласеност, од 2013 до 2015 година. Овие факти нè прават нас и нашите производи веродостојни – изјави Себечиќ Црнолатац.
Базирано на научен пристап, студии и посветени истражувања, како и позитивен став кон физичката активност, „Хербалајф“ советува да останете здрави, полни со енергија и динамични, преку започнување на секој ден со здрав појадок, вежби и преку ова да ја остварите главната цел: Здрав и активен начин на живот. Компанијата нуди решенија за балансирана исхрана преку широка понуда на производи, вклучувајќи замени за оброци, протеински шејкови и ужини, додатоци во исхраната, специјализирана спортска линија, како и производи за лична нега. Поради ова, „Хербалајф“ ја прослави својата 35 годишнина во 2015 година и денес работи во над 90 земји низ целиот свет.
Поддршка на спортот и посветеност на општеството се исто така едни од клучните заложби на „Хербалајф“. Компанијата ја поддржува Herbalife Family Foundation – HFF (Хербалајф семејна фондација) и нејзината програма Casa Herbalife (Куќа Хербалајф), која помага кон обезбедување на добра исхрана за децата кои имаат потреба од тоа. Исто така, компанијата спонзорира повеќе од 190 одлични спортисти, тимови и настани низ светот, вклучувајќи ги и Кристијано Роналдо, фудбалскиот тим LA Galaxy, како и шампиони во многу други спортови.
Нема коментари