Модниот бренд H&M ќе ви помогне да го ископирате стилот на талентираната пејачка Били Ајлиш, со оваа капсулна колекција направена во соработка токму со Били. Оваа млада музичарка сè повеќе се наметува со својот стил, во кој доминираат предимензионирани парчиња и луксузна облека во спортски стил, а веќе оствари неколку модни соработки. Оваа со H&M се однесува на модни парчиња специфични за нејзиниот имиџ – широки маици, блузони, долни тренерки и капчиња. Боите се црна, светло беж и тонови на флуоресцентно зелена. На облеката и деталите отпечатени се логоа со нејзиното име. А од модните додатоци има капи, чорапи и чантички за околу половина. Важно да се напомене дека модните парчиња се направени од одржливи материјали. Колекцијата ќе биде достапна од 2 јануари следната година.
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари