Носталгичен копнеж за минато време и инспирација од Арт Нуво стилот од 1920-тите години се референците за новата колекција наречена „HONEY “ на Христијан Младеновски, составена од машка и женска облека во која одредени парчиња симболизираат слобода на движење, сексуална ориентација, ноќен живот и други слични карактеристики на бурните 20-ти.
-Користените материјали доаѓаат од природни и синтетички потекла со посебен акцент на додатоците како еден од најистакнатите трендови на Арт Деко. Секоја од присутните бои носи одредена симболика. Црното претставува закана, мистерија и раскош. Црвената боја претставува љубов, страст и бес. Кафената симболизира сериозност, топлина и поддршка. Од друга страна, портокаловата се залага за привлечност и нагласување на жедта. Силуетата „I“, карактеристична за 20-тите години, зазема централно место во рамките на колекцијата. Истото важи и за обликот на машкиот костум. Женскиот накит најчесто се изработувал од бисери за кои се сметало дека симболизираат чистина и луксуз. Сепак, колекцијата содржи и накит од циркон, вклучувајќи метални детали. Друг апсолутен тренд на громогласните или слатките 20-ти години беа чанти и ракавици кои исто така се вклучени во оваа колекција – изјави Христијан.
Дизајнерот Христијан Младеновски позира во едитријалот за колекцијата HONEY
За името на колекција адизајнерот вели дека зборот „HONEY “ многу често се користел меѓу паровите во дваесеттите години на минатиот век.
-Сепак, овој збор е исто така многу репрезентативен за самиот временски период. Во текот на 20-тите луѓето поседувале хедонистички пристап кон животот, при што сè изгледало дека е медено и слатко. Периодот се карактеризираше со зголемено уживање во сексот, алкохолот, забавите, музиката и целокупното животно уживање без многу грижа за последиците.
Придружниот моден едиторијал го носи истото име, „HONEY“, кој како резултат на соработката помеѓу фотографот Стефан Соколовски и модниот дизајнер Христијан Младеновски кој се става себеси во автореферентен систем како модел ја представува атмосферата на 20-тите.
Нема коментари