• Дома
  • Мода
    • моден монитор
    • интервју
    • досие
    • трендови
    • ревии
    • личности
    • едиторијал
    • lookbook
    • модни додатоци
    • ретро
  • Стил
    • стилска листа
    • личен стил
    • улична мода
    • црвен килим
    • икона на стилот
    • сам свој стилист
    • барометар
  • Убавина
    • новини
    • шминка и фризура
    • нега
    • пред огледало
    • туторијал
  • Живот
    • животен стил со…
    • дизајн и декор
    • урбан простор
    • здрав живот
    • гастрономија
    • фит-форма
    • психологија
    • патувања и дестинации
    • хајтек
  • Култура
    • културен водич
    • кул-листа
    • музика
    • филм
    • ТВ
    • театар
    • уметност
    • книги и магазини
  • @РАБОТА
    • деловен изглед
    • од 9 до 5
    • работно катче
    • кариера
  • Галерија
    • фото галерија
    • видео галерија
    • калеидоскоп
  • Излог
  • Контакт
Stylist
филм 0

Македонскиот филм „Honeyland” во конкуренција за најдобар светски документарец на „Санденс”

Од stylist @StylistMKD · На јануари 16, 2019

honeyland

Документарниот филм „Honeyland” („Медена земја”) премиерно ќе биде прикажан на 38. издание на филмскиот фестивал „Санденс” (Sundance), чие годинашно издание ќе се одржи од 24 јануари до 3 февруари во Јута, САД. Премиерата е закажана за 28 јануари по што ќе следуваат уште седум проекции на оваа кинематографска манифестација. Документарецот е во официјална конкуренција на престижниот фестивал за независни филмови во категорија со уште 11 други документарни филмови од целиот свет.
 
– Влегувањето на „Honeyland” во официјална конкуренција на долгометражни документарни филмови на еден од најзначајните фестивали во светот е од големо значење за екипата на филмот, но и за македонската кинематографија. „Санденс” е најголем американски фестивал на независен филм и еден од најпрестижните во светот, на ниво на фестивалите во Берлин, Кан, Венеција и други. Ова е првпат македонски долгометражен документарен филм, со мнозинска домашна копродукција, да влезе во конкуренција на „Санденс” – истакна продуцентот Атанас Георгиев на денешната прес-конференција во Младинскиот културен центар во Скопје.

6c0d286b-6705-4be7-a780-3cbdaef32d6e
Филмот е во режија на Љубо Стефанов и Тамара Котевска, а продуцент е Атанас Георгиев, кој ја направи и монтажата. Сниматели се Фејми Даут и Самир Љума. Зад музиката стојат членовите на групата „Фолтин”, а како музички супервизор се јавува Рана Еид од „ДБ Студиос” (DB Studios) од Бејрут.

 
– Тригодишната работа на „Honeyland” донесе две клучни работи во мојот живот: созревање како човек и автор, и уште една голема фамилија составена од екипата со која поминавме многу неверојатни настани, како и протагонистите на филмот кои нѐ прифатија со цело срце. „Honeyland” не е само филм кој го направивме. „Honeyland” е животно училиште за сите нас, кое нѐ научи на многу поскромен однос кон животот и многу побескомпромисен пристап кон самото создавање филм. Може да се рече дека за големината на она кое го направивме и ќе го оставиме на светот да го види и самите сѐ уште не сме доволно свесни и тек ќе посведочиме. Но, после тригодишната максимална посветеност на целата екипа и вниманието кое го предизвика уште пред неговото завршување, на сите ни беше очекувана фестивалската кариера која му следува. Но, со премиерата на „Санденс” во официјална селекција се оствари нашата најголема заедничка желба, токму поради тоа што овој фестивал од светски рамки поддржува независни филмови и изборот на темите со кои се занимава се пред сѐ општествено ангажирани, а не арт хаус – изјави режисерката Котевска.

honeyland 1
„Honeyland” раскажува приказна за Атиџе, последната жена-одгледувач на диви пчели во Европа, која живее сама со својата мајка во централна Македонија. Главна идеја на филмот е да се прикаже припадноста на човекот кон природата и нарушување на природната рамнотежа преку судир на два различни начина на искористување на земјините ресурси.
 
– Филмот е повеќеслоен, го покажува животот – сам по себе. Опфаќа раѓање, живот и смрт. Главната порака е дека треба да има фер поделба, односно користење на природните ресурси. Тоа всушност е и принципот на одгледување на пчелите на Атиџе, која половина од медот го зема за себе, а половина им го остава на пчелите. Човекот треба да зема од природата колку што му треба, но и да остави за оној кој тоа го произведува – во случајов пчелите. Со ова не само што им овозможува на пчелите да преживеат, туку обезбедува сигурен извор на храна и за себе, тогаш кога тоа ќе ѝ биде најпотребно – открива режисерот Љубо Стефанов.

067dec7f-fa5c-4648-958f-19a45f8d0cfe
Документарецот, кој е во продукција на „Аполо медиа” и „Трис филмс”, е реализиран како дел од Програмата за зачувување на природата во Македонија – проект на Швајцарската агенција за развој и соработка (SDC), координиран од „Фармахем”, а поддржан е и од Агенцијата за филм на Република Македонија.
 
– Идејата за „Honeyland” се роди за време на теренските истражувања во степоликото подрачје на долниот дел на Брегалница, кој изобилува со извонреден и уникатен биодиверзитет. Швајцарската агенција за развој и соработка ја препозна вредноста на овој документарец и затоа ја поддржа идејата за снимање и продукција. Филмот испраќа моќна порака која очекуваме да ја подигне јавната свест за зачувување на природата, да го промовира одржливото користење на природните ресурси и да го помогне и олесни процесот на прогласување на заштитени подрачја во Македонија – истакна Марјана Шушлевска, тим-лидер на Програмата за зачувување на природата во Македонија.

5b672a86-2d0c-4f37-8207-dfff38cde473
Снимањето на „Honeyland” почна во 2015 година, а филмот лани ја освои наградата за „Најдобро дело во развој” на 23. Сараевски филмски фестивал. Годинава го очекуваат презентации на значајни светски фестивали. Премиерата во Скопје ќе се одржи на почетокот на март, а детали околу датумот и местото на одржување ќе бидат соопштени по враќањето на екипата од САД.
 
По премиерата во Парк Сити, ќе следуваат уште 4 проекции во овој град, а две се планирани и во Солт Лејк Сити. За претставувањето за време на „Санденс” ангажиран е публицистот Рајан Вернер, кој ќе организира промотивен настан за „Honeyland”, на кој што ќе се дегустира автентичниот мед, собран од Атиџе – главниот протагонист во филмот, како и македонски вина од винаријата „Бовин”. Планирани се и работилници, интервјуа, презентации, а закажани се и две претпремиерни проекции за новинарите и за филмските критичари во Њујорк и во Лос Анџелес.
 

Сподели Tweet

Можеби ќе Ве интересира

  • HousekeepingForBeginners_1 филм

    „Домаќинство за почетници“ на Горан Столевски е македонски кандидат за Оскар за долгометражен интернационален филм

  • ?????????????????????????? филм

    Светска премиера на филмот „Домаќинство за почетници“ на Горан Столевски на филмскиот фестивал во Венеција

  • d2f5c0c7-ef0d-3048-6bcc-7f967f56ff6a филм

    Објавен трејлерот за македонскиот филм „Преекспонирано“ кој наскоро ќе се најде во кината

Нема коментари

Остави одговор Откажи одговор

ПОБАРАЈТЕ НÈ НА FACEBOOK

Калеидоскоп

  • tatjana janusheva (6)

    Татјана Јанушева на насловната страница на Elle

Модна азбука

  • ПЛИСЕ – ткаенина со правилни ситни набори

    јули 29, 2021

Видео

  • ikiverse

    IKIVERSE на Искра Џокиќ Кецап – прва дигитална модна ревија на Моден викенд

СЛЕДЕТЕ НÈ НА СОЦИЈАЛНИТЕ МРЕЖИ

Follow @stylistmkd
Follow on Instagram
Follow on rss

НАЈНОВИ ОБЈАВИ

  • 1 hm

    H&M Studio претстави заводлива празнична колекција

    декември 11, 2023
  • cokoladen puding

    Брз и здрав чоколаден десерт со необична состојка

    декември 11, 2023
  • 2 kaputi

    МОДЕН ТРЕНД: Беж капутите се модна класика

    декември 11, 2023
  • 1

    Која е бојата за 2024 година според институтот „Пантон“!?

    декември 11, 2023
  • 1

    ЕКО-МОДА: Зимава носете бунди од вештачко крзно

    декември 5, 2023

Убавина

  • INT_EN_ECN_204825_AntiPigment_IG_FB_StaticAd_V1_10_2020-1x1

    Ослободете се од хиперпигментацијатa со Eucerin Anti-Pigment Dual Serum: Револуционeрна нега за сјаен тен

    ноември 23, 2023
  • eucerin (6)

    Со иновативниот крем Еуцерин Hyaluron-Filler + Elasticity Day Rosé SPF30 ќе заборавите на бледата и уморна кожа

    октомври 31, 2023
  • 000267_GL_en_EUC_Hyaluron _Filler _Serum_HyFi_Anti_Wrinkle_Serum_202309_PR_0_white_V8-Print

    Еликсир или еволуција? Како науката за нега на кожата го искористи скриениот потенцијал на кожата

    октомври 24, 2023
  • INT_EN_ECN_210004_DermoPure_Triple_Effect_Serum_Protective_Fluid_03_2021_PR_v3-ecom1000x1000_300dpi

    Ефикасноста на медицинската козметика

    октомври 2, 2023
  • 1

    Маникир во есенски бои

    септември 8, 2023

Живот

  • cokoladen puding

    Брз и здрав чоколаден десерт со необична состојка

    декември 11, 2023
  • ??????

    Добротворен базар на социјални претпријатија в сабота во East Gate Mall

    декември 1, 2023
  • iqos

    Новото IQOS ILUMA портфолио претставено на ексклузивен настан во Скопје

    ноември 18, 2023
  • Фестивал на чај

    Фестивал на чај, лековити билки и есенцијални масла

    ноември 13, 2023
  • Movember

    МОЕМВРИ: Актери, спортисти и поп ѕвезди ќе седнат на берберски столици за подигнување на свеста за машкото здравје

    ноември 6, 2023

Култура

  • Carmina Burana 1

    Изведба на „Кармина Бурана“ од Карл Орф на 7 декември во Националната опера и балет

    декември 5, 2023
  • zrno festival zavrsna izlozab

    Завршна изложба на фестивалот Зрно во КИЦ

    ноември 6, 2023
  • плакат

    Концерт на Мухамед Ибрахими во Филхармонија

    октомври 30, 2023
  • ??????????????

    Се отвора шестата по ред годишна изложба „Сè што ни е заедничко“ во МСУ – Скопје

    октомври 16, 2023
  • fks

    „Фолклорно-класична симбиоза“, музичко-сценски спектакл на НУ Национална опера и балет и НУ Танец

    септември 26, 2023

Тагови

Vogue Моден викенд-Скопје Париз Скопје Тренд видео македонска мода македонски дизајнери модна ревија накит рекламна кампања стилски идеи улична мода шминка
  • Дома
  • Контакт
  • За Stylist.mk
  • Маркетинг

© 2014-2017 Stylist.mk. Сите права се задржани. Development & Hosting eXpressive graphics