Инстаграм како најсоодветна социјална мрежа за мода и стил, е одлична платформа на која секој може да го презентира својот автентичен имиџ и да стане модно влијателен. Но, што кога сте на повозрасни и немате свои Инстаграм профили, а поседувате добра доза на стил со став?! Во примерот на гламурозните италијански бабички кои деновиве станаа популарни, на помош доаѓа студентот Анџело Наполило кој ќе го оформи @sciuraglam, Инстаграм профил посветен на стилот на модерните nonas од Милано. Тие станаа дигитално-инфлуенти без да отворат свои профили. И никога нема да отворат, бидејќи тие го уживаат својот безгрижен живот во Милано и баш им е гајле за Инстаграм.
Кога Анџело се преселил од југот на Италија во Милано за да студира стоматологија, веднаш го забележал стилот на повозрасните дами. Сфатил дека повеќето се богати жени кои гравитираат околу центарот на градот и се потполно предадени на пријатен сладок живот. Вистински dolce vita. „Со пријателите понекогаш им завидувавме. Тие се толку убави и со стил и толку многу уживаат во животот. Очигледно дека се богати. Додека ние брзаме накај факултет ги гледаме како одат во продавница облечни во „Гучи“ и „Прада“ и на раат пијат кафе во Bar Luce“, раскажува Анџело за Vogue.
Тој профилот го отворил во декември 2016 година, и потоа со месеци фотографирал и објавувал на @sciuraglam. Зборот sciura на миланскиот дијлект значи богата жена. Анџело на почетокот го следеле внуците и пријателите на дамите што ги фотографирал, во прво време тоа било фотографирање без согласност, но сепак на семејствата им се допаднале објавите и станале на некој начин пријатели. Нешто подоцна профилот го забележала инфлуенсерката и бренд консултантка Гилда Абросио, па набрзо и новинарите, што го изненадило Анџело кој не очекувал некој поголем успех. Сега амбициите му се нешто поголеми, па иако приоритет му се студиите по стоматологија, сака да продолжи да фотографира. „Сакам да фотографирам помлади и едиторијали… за Vogue“, изјави Анџело.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари