Откако се здружија во заеднички дизајнерски проект и ја креираа првата колекција под името Iskra&Lidiya Blueprint Collection, Искра Михајловска и Лидија Георгиева подготвија нови дизајни и принтови кои што ќе може да ги погледнете на овогодинешното издание на Fashion & Lifestyle Expo, што од 29-ти до 3-ти март се одржува во фоајето на Македонска опера и балет.
Второто издание на ISKRA&LIDIYA BLUEPRINT COLLECTION означува нова, возбудлива соработка. Се работи за софистициран дизајн за дом, кој произлезе како плод на соработка со брендот за производство на предмети за внатрешно уредување ТАЛИЈА.
Во чекор со најновите тенденции, дуото Искра Михајловска и Лидија Георгиева дизајнираа отпечатоци врз луксузни материјали кои се споија со префинетата изработка на Талија. Овој интимен универзум на дизајн за дом – перници, завеси, зидни декорации, е креативен спој на мода и архитектура.
Со богата биографија помеѓу Париз и Скопје брендот ИСКРА И ЛИДИЈА е производ на искуство во дизајнот и визуелните уметности. ТАЛИЈА како бренд со 27 годишно присуство во домовите, со оваа соработка влегува во универзумот на дизајнерски производи.
Дел од првата колекција на Искра и Лидија, која беше претставена на Неделата на дизајн во Скопје пред неколку месеци
Нема коментари