Во време кога во модата се посветува повеќе внимание на жените со облини и на XXL модата, да се измеваат дебелите во еден моден бренд се смета за комплетно нерокректен чекор. Да, целата модна индустрија се темели на култот за слаби и витки девојки со манекенски став, но навистина е невкусно кога се прави fat-shaming во срцето на популарна и сеамериканска компанија. Приказната за која се зборува неделава е видео прилог направен во канцелариите на „Лили Пулицер“ за одредена ТВ куќа, кога случајно во кадар влегле неколку цртежи на кои се исмеваат дебелите девојки. Покрај тоа што се направени карикатурални цртежи, на нив пишува не баш пристојни пораки од типот „Уште еден ден во животот на дебала, бела и одбивна децојка… Најверојатно треба да се убиеш“. Ова веднаш предизвика бура од негодувања на социјалните мрежи и барање одговор и одговорност од брендот.
-Овие илустрации се дело на поединка и се закачени во нејзиниот работен простор. Додека како работодавач ги охрабруваме вработените да го украсат својот простор, ние сме компанија во која доминираат женски вработени и овие слики не ги одразуваат нашите вредности. Се извинуваме за која било штета што ова ја предизвика – објави ПР службата на компанијата.
Цртежите можеби се дело на една личност, можеби ѝ служат како мотивациони пораки за слабеење, но понекогаш и поединец може да го сруши имиџот на една компанија. Ама можеби не е грешката во само една личност. „Лили Пулицер“ неодамна направи релансирање на својата коелкција и повторно доби негативна критика затоа што сите модели со поголеми броеви ги „скри“ за продажба на онлајн, наместо да ги нареди на рафтовите во своите продавници. Дебелината и наоѓањето модерна облека со поголеми броеви е една од најболните теми на жените, затоа секој моден бренд треба внимателно да се справува со вакви деликатни ситуации.
Нема коментари