Најнови колекции на италијански очила на ревија во Скопје

Aгенцијата ИЧЕ – Оддел за промоција на економската соработка при Амбасадата на Република Италија, во соработка со Fashion Weekend Skopje, ја претстави најнови колекции на италијански очила.

На модната ревија беа прикажани последните колекции очила на четирите италијански компании, 4G (www.bobsdrunk), 4 PLANET (www.4planet.it), BDO Italia (www.bdoeyewear.it), LOGOPROJECT DESIGN (www.iiieyewear.com), MAD IN ITALY (www.madinitaly.com), TF OCCHIALI srl (www.tfocchiali.com), и за нив ова е прво претставување на македонскиот пазар.

Hастанот е првенствено наменет за македонските увозници и дистрибутери на оптика и додатоци, но, е и прекрасна можност за сите љубители и следбеници на италијанската мода да се запознаат со последните тенденции во светот на модата и дизајнот на очила.

Италија е најголем производител и извозник на очила во светот.

Првите очила во светот се измислени и направени во 1286 година во Пиза, со примитивна форма, од две стакла поврзани со рамка и дршка. Оттаму, за кратко време се развива сериско производство во Венеција, која станува центар  за производство на очила и оптички леќи во средниот век. Вистинската индустрија за масовно производство на очила во Италија се развива во 19 век, во областа Белуно, во Венето. Денес, Италија е најголем светски производител на очила, 80% од произвоството на италијански очила доаѓа од кластерот за очила и оптика во Белуно, кој опфаќа преку 900 компании, кои заедно создаваат обрт од над 4 милијарди евра. 90% од производството е наменето за извоз.

Очилата Made in Italy се препознатливи во целиот свет по исклучителниот квалитет, технолошката иновативност на материјалите и методологијата на производство кои овозможуваат максимална ергономичност на рамките, но и по уникатниот стил и дизајн, благодарение на што, овие очила секогаш се пласираат во високите сегменти на пазарот.

Оптичките рамки и очилата за сонце станаа вистински моден додаток, а Италија во овој сектор е светски лидер, со удел од 70% од светскиот пазарот.

Македонија е нето увозник на очила за сонце, очила, рамки и леќи, а вредноста на пазарот се  проценува на 3 милиони долари годишно. Во 2017 година,  Италија е најзначаен добавувач на очила за сонце во Македонија со пазарно учество од над 50% , потоа следат Кина (35.7%) и Јапонија (8.9%). Што се однесува до увозот на рамки за очила во Македонија, најголеми добавувачи се Кина (52,2%) и Италија (43%).