Светското финале на еден од најпрестижните избори за убавина The Look of the Year 2016 („Лице на годината“) ќе одржи вечерва, 22 октомври, во театарот Метрополитен, кКатанија на италијанскиот остров Сицилија. На овој избор кој може да послужи како отскочна даска во манекенскиот свет, Македонија ќе ја претставува Ивана Караџова (16) од модната агенција „Моделс ИН“, која веќе е спремна за вечерашниот избор.
„Токму за овој настан нашата дизајнерка Ивана Каран изработи четири креации соодветни и прилагодени на самиот настан. Нашиот најголем успех е што Ивана стекна големо искуство и е дел од еден од најпрестижните избори за модели, а да се биде во центарот на едно вакво модно случување е голема привилегија за секој модел. Ѝ посакуваме на Ивана многу среќа и да ја доживее магијата едноставно наречена Лице на годината“, изјави Алек Наумовски од нејзината модна агенција „Моделс ИН“.
Ивана Караџова на изборот на Сицилија ќе носи креации од Ивана Каран
Регионаните претставнички за светскиот избор за „Лице на годината 2016“, заедно со Јелена Ивановиќ од белградската агенција Model Scouting Office
Нема коментари