Изложба на дела од работилницата за дигитализација – векторизација на мотиви од македонската традиционалната текстилна орнаментика
На 15 мај 2018, во ЕУ Инфо центарот Скопје, во 19.30 часот ќе се отвори изложбата на дела од Работилница за дигитализација – векторизација на мотиви од македонската традиционална текстилна орнаментика. Работилницата, која се одржа од 7 од 11мај 2018, ја реализира Македонски совет за дизајн во соработка со Факултетот за арт и дизајн, Европски универзитет – РМ и Институт за фолклор „Марко Цепенков“ – Скопје. Во неа учествуваа студенти од насоката графички дизајн и млади дизајнери, кои работеа под менторство на проф. д-р Гордана Вренцоска.
Целта на проектот е да се дигитализираат со векторизација мотиви од традиционалното текстилното наследство (везови од народни носии и ќилими) и истите да бидат јавно достапни за современите македонски дизајнери. На тој начин ќе се прошири нивната примена во најразлични области на современиот дизајн и кај различни категории на производи од домашните брендови. Со тоа се промовира културното наследство кај помладите генерации креативци и на истото му се дава нов живот во нови актуелни творечки форми.
Проектот ќе го претстави проф. д-р Гордана Вренцоска, а на присутните ќе им се обрати и Амбасадорот Самуел Жбогар, Шеф на Делегацијата на Европската Унија во Скопје. Во рамки на настанот на учесниците во работилницата ќе им бидат доделени сертификати.
Проектот е поддржан од Делегацијата на Европската Унијапреку активностите за Европската година на културно наследство 2018.
Нема коментари