Неколку дена пред модната ревија во Скопје за новата колекција „Celia“ нашата успешна дизајнерка Росица Мршиќ престојуваше во Софија, Бугарија, по повод одржување на ретроспективна изложба на нејзината работа во познатиот шоурум „Иван Асен 22“. За поставката селектирани беа од 17 најпрепознатливи фустани од досегашните колекции на Мршиќ, а настанот е по иницијатива на тимот на концептуалната продавница, каде што неколку години наназад се презентираат колекциите на Мршиќ.
Целта на изложбата беше да се прикаже работата и творештвото на Росица Мршиќ низ изминатите години. Работата на Росица Мршиќ беше прикажана преку поставки кои соодветсвуваа со инспирацијата позади парчињата на дизајнерката. На изложбата беа присутни етаблирани имиња од бугарската модна сцена и уметници. Дел од нив носеа облека дизајнирана од Росица.
-Голема чест ми е што се одржува изложба на мои креации, особено што тоа е во една странска земја. Благодарна сум на поддршката и иницијативата на Нели Митева од „Иван Асен 22“ да се претстават парчиња од македонски дизајнер. Тоа е показател дека имаме добар производ за интернационалниот пазар. Направивме потесен избор со носечките фустани од моите изминати 19 сезонски и пет капсулни колекции. Гледавме тоа да бидат модели кои се’ уште се барани и актуелни – ни изјави Мршиќ пред посетата на Софија.
Нема коментари