Побарувачката за парфемот Dior Sauvage се зголеми за речиси 50% за време на постапката на судењето на Џони Деп и Амбер Херд. Додека се чека одлуката од судењето, расте интересот за овој Диоров парфем чие заштитно лице од нeговото лансирање во 2015 година е Џони Деп. Пребарувањата на Google за мирисот се зголемија за 48%, од 823.000 пребарувања во март на 1,2 милион во април. Судењето за клевета започна во април.
Откако поранешната сопруга Амбер Херд го обвини Џони Деп за повеќе дела и ја оцрни неговата кариера, големите холивудски студија му го свртеа грбот и актерот изгуби повење вносни улоги, како и спонзорски договори.
И покрај фактот што повеќето компании го одбија Џони Деп, Диор одлучи да остане со него. Зошто? Едно шише од парфемот Sauvage се продава на секои три секунди. Ако парфемот чини 160 долари по шише, тоа би значело заработка над 4,5 милиони долари дневно. Со оглед на огромната заработка, јасно е зошто Диор не му „заврте грб“ на Деп и покрај притисокот што го трпеше од сите страни.
И пред да почне судењето во јавноста излезе информацијата дека Dior Sauvage е најпродаваниот парфем во светот помеѓу машките и женски мириси заедно, за што известивме ОВДЕ.
Нема коментари