НАЈНОВА ВЕСТ: Талентираниот и доста фален шкотски дизајнер Џонатан Сондерс е новиот креативен директор на модната куќа „Диор“. Според француски Elle Сондерс е креаторот што ќе го наследи Раф Симонс на едно од најпосакуваните места во една од најеминентните париски куќи на лусксуз и висока мода. Веста е откриена по период на шпекулации (иако се очекува и официјална информација од „Диор“), и по серија оставки меѓу креативни директори во индустријата. Ова го вклучува и Сондерс кој во декември минатата година ја затвори сопствената модна линија од „лични причини“.
Сондерс е еден од најталентираните британски модни креатори. Роден во Глазгов, студирал печатење на текстил на Glasgow School of Art пред да се пресели во Лондон и да го докомплетира школувањето на Сент Мартинс. Неговата дипломска колекција ја добива наградата Lancôme Colour Award и само 48 часа подоцна добива нарачка за дизајнирање текстил за Александар Меквин. Својот бренд го лансира во 2003 година, додека истовремено во следните години функционира и како креативен директор за италијанската куќа Pollini.
Сега, Сондерс прави камбек на сцената, а според првичните информации тој планира првата капсулна колекција за „Диор“ да ја прикаже во Лондон, наместо во Париз, што уште во старт ќе предизвика одредени контроверзи. Сепак, со нетрпение очекуваме да видиме што Сондерс има да понуди.
Ив Сен Лоран, Марк Боан, Џанфранко Фере, Џон Галијано, Раф Симонс, сега Сондерс ја продолжува низата на креатори кои креаирале за куќата основана од Кристијан Диор.
Нема коментари