Широките фармерки, со крој позајмен од машката мода, изминатите неколку сезони имаат голема практична примена во секојдневниот изглед на дамите. Брзо се пробија благодарение на блогерките и трендсетерките на уличната мода. Момчешките модели на џинс се носат со подвиткани ногавици. Некои се со поголем волумен, а други нешто потесни, најчесто со класична сина нијанса. Доста се популарни исечените и пумпарица-модел. Најчесто се носат во комбинација со посвечени модели за да се направи баланс меѓу боемскиот и бунтовнички изглед што го даваат овие модели, од една страна, и потребата од женственост и урбан секојдневен изглед, од друга страна. Па така доста е популарно комбинирањето со високи потпетици, со полуксузен топ, палто, кошула или со спортска блуза комбинирана со раскошен ѓердан.
Природна поврзност со блузоните
Блузоните и ќебе-блузите со нагласен волумен, кои се голем хит во уличната мода, одлично се вклопуваат во лежерниот спортско-елегентен имиџ што го носат фармерките. Ова е една од најбазичните и најприродни комбинации. Особено хит се брендираните блузони на куќи како „Кензо“, „Зара“ или „Живанши“. Моделите со принтови или со апликација што се повторува исто така спонтано убаво се вклопува во овој имиџ. Може да ги носите со високи потпетици или со војнички чизми.
Бунди и животински принт
Фармерките во комбинацоја со едноставни бела маица, сива тренерка или тексас кошула нема да игледа обично ако ги комбинирате со пердувесто палто или бунда со крзно во боја. Во обзир доаѓаат и капутите со животински принт (тигар, леопард, зебра), секако внимавајте тие да бидат од вештачки крзна. Нема да претерате ако носите свечени чевли или накит.
Кожна јакна
Кожната јакна е едно од парчињата што станува задолжителни во женскиот ормар, oд проста причина што е безбедна и одлична комбинација за сите пригоди. Џинсот и кожата се носечки материјали во било која комбинација, поединечно, но во обој спој, фармерки и јакна воопшто не е премногу, туку тие одлично се надополнуваат. Може да ги комбинирате со морнарска маица, со различен спој на бои (бела и црна, темносина и црвена…). Во игра се и обичните бели развлечени маици за вежбање, а во зимскиот период џемпер во ралични должини. Од додатоците можете да изберете некој качкет, шешир, или шал.
Бизнис палто
Строгите, бизнис-парчиња во комбинација со фармерките ја губат крутоста и достанцираноста, па стануваат модел како скроен за овие комбинации, осбено ако ги комбинирате со полежени кошули, еднобојни маици, модели со принт или блузи со пруги. Иако ова не е спој со кој може да се појавите на бизнис состанок, но е варијанта за вечекни изгегувања, дневна неформална средба или можеби варијанта за бизнис-патување. Комбинирајте со кожен ремен, долг сет од ѓердани или шалчиња и чарени марами.
Капут и мантил
Кога веќе ги прелиставме и испобавме сите комбинации на момчешките фармерки со сите видови на палта, редно е да се поврзат и со мантилите и капутите, кои можеби и не се практикуваат толку често, но се носива варијанта особено во постудените и дождливи денови. Нема да згрешите ако изберете некој шешир и марама , за комбинација, а на нозете секогаш добро стојат чимзи со виски потпетици. Во овој спој избегете долги маици и масивни блузи. Горниот дел нека биде поедноставен.
Високи потпетици
Доколку досега не сте пробале да искомбинирате чевли со високи потпетици широки или износени фармерки со благо подвиткани ногавици, ви препорачуваме да го направите тоа на првата прилика за неформална дружба или излегување на пијачка со пријателите. Ќе се изненадите колку е ефективен овој спој. Ова парче облека (фармерките) одговараат буквално со сите високи потпетици што ги има во вашиот шкаф за чевли. Без разлика дали станува збор за кожни модели, за лакирани, платнени, со ремени ли отворени модели. Иако овие фармерки визуелно ја намалуваат ногата со вискоите потпетици вашите нозе ќе изгегаат подолги и посекси.
Чизми
Во подвитканите фармерки подобро одговараат пократки чизми и модели со висока потпетица. Ставете ги под ногавиците и не гружете се дали ќе се изместат, таа негрижа и опутеност им даваат поголем шарм.
Ниски обувки
За тие што не се фанови на високите потпетици има широк избор на ниски чевли: балетанки, патики,оксфордки….Ниските обувки одлично најдобро се комбинираат со кратки јакни, палтенца до половина и спортски варијанти.(А.Н.)
Нема коментари