Смелите стајлинзи, светкавите парчиња и драматичните креации благодарение на влијанието на модните блогери и иновативните стилисти повеќе не се врзуваат само за вечениот и свечениот изглед. Тие станаа дел и од секојдневниот изглед, а со низа триковиможе да се вметне и воотмениот имиџ за на работа. Враќањето на металик трендот со умешно комбинирање може лесно да се примени и во вашиот лежерен стил.
Златните плисе миди здолништа на Gucci, веќе најдоа широка примена меѓу трендсетерките. Како што беше предложено и на самата ревија, може да се комбинира со ретро џемпер, бомбер јакна со принт, а покрај со чевлите на потпетица, симпатично стои и со оксфордки, патики (спортски и на платформа), сандали и кломпи.
Балансот е клучен во комбинирањето на металик парчињата. Честа, и доста успешна е комбинацијата со памучна блуза (бела, со пруги , црна или сива) и кожна јакна. На нозе може да носите моторџиски чизми, чизмички до глужд, балетанки, но и патики, како на пример старки.
Младешки и кежуал изглед ке постигнете и со тексас јакна, но и сега доста актуелните бомбер јакни. Покрај блузите, маичките по кратки ракави и џемперите,може да изберете ретро ролка, или едноставна кошула. Овој вид на јакни најчесто одговара со патики на платформа, но нема да згрешите и ако се одлучите за некој друг вид на ниски чевли. Нема да биде погрешно ако ја активирате својата есенска парка јакна со качулка, или пак сè уште ја носите вашата бунда од вештачко крзно.
Тоа што здолнитето паѓа во прв поглед, не значи дека сè останато треба да биде бледо и незабележително. Посвете внимение на додатоците, интересните шешири и беретки се одличен спој со овие парчиња. Не се штедете и при изборот на впечатлива чанта. Може тоа да биде некоја со прин, уникатен вез, или пак поголема и во боја. (А.Н.)
Нема коментари