Се смета за модна класика и задолжително деловно модно парче, а во своите модерни варијации молив здолништето ќе биде тренд за оваа пролет. Но, предизвик е да се најде вистинскиот модел на вакво здолниште кој ќе одговара на вашата сулета. За помош еве неколку стилски совети.

Ако сте со ситна градба одберете здолниште со висока половина

Ако сте ниски, и плус со ситна градба, веројатно избегнувате здолништа под колена за да не изгледате здепасто, но модел со висок струк го има спротивниот ефект – половината ќе изгледа како да почнува повисоко, со што се зголемува должината на долниот дел од телото и тоа оптички ќе ве извиши.

Ако сте високи одберете молив здолниште со миди должина

Миди здолништето ги издолжува нозете, но за да не изгледате „шртклесто“ поради висината, одлучете се модел кој нема висока половина, но има преклоп или шлиц на страна.

Читајте: Молив здолништето е основа на бизнис-имиџот

Ако имате изглед на песочен часовник одберете модел со принт

Молив здолништата како да се создадени за оваа силуета – тенок струк со нагласени горен дел и колкови. За повеќе да се акцентира тенката половина и нагласените облини одберете здолниште со шара или некој непредвидлив материјал со текстура.

Ако имате атлетска силуета одберете здолниште со необичен преклоп

За оние што немаат нагласени пропорции и облини, најдобро е да пробаат здолништа со необичен преклоп, графичка игра во кројот или асиметрична должина. Ваквите модели ќе создадат илузија како да имате облини на вистинските места.

Читајте: Трендсетерките го обожуваат ова миди карирано здолниште на преклоп

*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.