Камала Харис првиот говор како новоизбрана потпретседателка на САД го одржа во моќен бел костум

Од stylist @StylistMKD · На ноември 9, 2020

Симболиката на белета боја

Камала Харис во своето прво појавување како новоизбрана потпретстедателка на САД, одржа говор заедно со новоизбраниот претседател Џо Бајден, а беше облечена во бел костум со потпис на Каролина Херера. САД за првпат бираат жена на оваа позиција, а за својот прв говор оваа политичарка и сенаторка со црнечко и азиско потекло одлучи овој историски момент да го озваничи со модна комбинација во бела боја.

Облеката покрај практичната функција има моќ да испрати одредена порака – моќниот бел костум на Камала се чини симболизира на суфрежетките и нивното феминистичко движење, односно белата боја е симбол на суфражетките кои пред стотина години се бореа за правата на жените да гласаат на избори.

Токму во бела боја беа облечени и американските законодавки на обраќањето во State of Union во 2019 година, кога искажаа протест протест политиката на администрацијата на Трамп и во исто време им оддадоа почит на суфражетките.

-Можеби сум првата жена на оваа позиција, но не сум последна. Бидејќи ова е земја на можности. Сонувајте со амбиција – рече Камала во својот прв говор.

Оваа успешна политичарка белиот костум го дополни со свилена кошула во боја на шампањ и салонки во боја на кожа, комбинација во која изгледаше моќно и одлучно, но и женствено. За време на изборната трка таа го покажа својот неконвенционален стил и во повеќе наврати ги носеше своите омилени патики – старките на Converse.