Без фотошоп и без лажно маркетиншко наведување кампањата на проектот I am all woman во која учествуваат манекенки и жени со различни конфекциски величини пропагира body positive став додека тие смоуверено позираат во костими за капење. Приказната зад проектот вели дека откако британската манекенка Чарли Хауард била одбиена од една модна агенција со причина дека е предебела, заедно со plus size моделот Клементин Десо го покренала проектот I am all woman. Целта на кампањата на проектот е јавноста да се фокусира на проблемот со недостиг на разновидност во светот на модната индустрија и да се покаже дека жените се убави без разлика на нивната величина и без ретуширање на фотографиите.
За снимањето на кампањата ангажирани се уште осум модели со различни конфекциски броеви, вклучувајќи ја и Искра Лоренс, една од најпознатите plus size манекенки, која од претходно жестоко се бори против предрасудите предизвикани од телесната тежина. Жените во кампањата беа фотографирани без ретуширање и Чарли се надева дека со оваа кампања барем некому од светот на модната индустрија ќе му биде повод за размислување.
Моделите од кампањата велат дека сакаат да се прекине тортурата низ која поминуваат младите девојки кога им се наметнува дека мора да биде бели, слаби и високи. Тие сакаат сите да се прифатат онакви какви што се. Чарли признава дека со години се борела со несигурноста во своето тело, бидејќи верувала дека не е доволно слаба. Дури после снимањето сфатила дека сите ние имаме мали неправилности кои на модните фотографии не се видливи, бидејќи тие се ретуширани, а кога сите слики би биле без фотошоп, младите девојки би сфатиле дека нивните тела всушност се совршени.
Нема коментари