Една од нашите најуспешни манекенки Маја Сашек се појавува во кампањата за пролет-лето 2018 на колекцијата на обувки на македонскиот бренд „Марвел“ дизајнирана од Цаци Паковска. Познатата стилистка, дизајнерка и авторка на модната емисија „Стилисимо“ за новата сезона понуди стилови кои веќе се препознатливи за „Марвел“ како сандали со широки потпетици во разни комбинации на бои и со ремчиња како детали, неколку видови на ниски чевли и патики. Фотосесијата ја потпишува Елена Везенкова, а Маја е фотографирана во центарот на Скопје.
-Ова е нашата трета по ред колекција во соработка со „Марвел“, и на некој начин е континуитет во стилот и приказната. Остануваме на ставот дека чевлите „Марвел“ се за жените кои сакаат да се поинакви, жените кои имаат стил и храброст да изгледаат различно. Деталите се оние кои повторно не прават единствени, исто како и врвниот квалитет на материјалите. Со нашите колекции докажуваме дека многу жени го сакаат и разбираат нашиот домашен производ, го ценат квалитетот и дизајнот. Она на што сум највеќе задоволна е дека се повеќе и повеќе жени со гордост ги носат чевлите на „Марвел“ – ни изјави дизајнерката на колекцијата Цаци Паковска.
Marwell Spring Summer 2018 designed by Caci Pakovska
Модел: Маја Сашек/ Фотографија: Елена Везенкова/ Стајлинг и шминка: Цаци Паковска/ Чевли и алки: Marwell/ Облека: Zap MIlano
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари