Иако нејзините чанти проектираа шаренило и радост, нешто ја мачело американската дизајнерка Кејт Спејд која вчера беше најдена обесена во својот стан на Менхентан. Веста ја шокира јавноста, а таа зад себе ги остави сопругот Енди Спејд со кого заедно го создаде своето модно царство, и нивната 13-годишна ќерка Френсис. Голем број на познати личности од светот на шоубиснисот и од модната индустрија веднаш изразија сочуство.
Кејт своето модно царство го изгради заедно со својот сопруг Енди (лево), кој е брат на познатиот актер Дејвид Спејд (десно)
Кејт Спејд стана позната по своите чанти и по веста за смртта на дизајнерката повеќе девојки и жени на социјалните мрежи ги постираа чантите со нејзин потпис. Нејзината идеја беше да создаде чанти со едноставен изглед кои ќе им се допаднат на американските жени. Подоцна дизајните стануваат поживописни и поразиграни, а според некои проценки повеќето жени во САД поседуваат барем една чанта од Кејт Спејд.
Моделот на ланта Sam е најпонат дизајн на компанијата и во разни варијанти се произведува уште од 90-тите
Компанијата ја основа во 1993 година со колекција на чанти, потоа се прошири на креирање чевли, други додатоци и облека, и изгради бренд кој е вреден преку 2 милијарди долари. Но, во 2006 година Кејт Спејд ја продаде својата компанија и се посвети на својата ќерка Френсис. Во 2016 се врати се модата, но бидејќи повеќе немаше право да креира под своето име, Кејт го основа новиот бренд Френсис Валентајн.
„Мојата прва Кејт Спејд чанта“, вчера објавуваа и се сеќаваа жените на социјните мрежи
Луѓето што ја познаваат велат дека била често насмеана и дека постојано се трудела да ги направи другите среќни. Нешто неа не ја правело среќна и таа вчера одлучила да се самоуби оставјаќи порака на својата ќерка… Утрово беше откриено дека Кејт патела од манична депресија, а нејзината сестра смета дека не добивала соодветна терапија. Менталните болести се сериозна работа и треба да се зборува отворено на оваа тема и да се бара вистинската терапија.
Зад шаренилото, боите и оптимизмот во дизајните на Кејт Спејд, се криела тешка депресија
Нема коментари