Двата водечки светски модни конглометарити, Kering и LVMH, иако се голема конкуренција меѓу себе, се сложија околу една работа – тие заедно ветија дека ќе ги забранат екстремно слабите модели (со големина 32) на своите ревии и во рекламните кампањи, двете компании ќе се вложат во поголема безбедност на моделите, забрана за вработување на модели помлади од 16 години и дека ќе промовираат поздрава слика на телото.
Во повелбата на компаниите стои уште и дека таа ќе биде имплементирана преку нивните брендови ширум светот, и ќе бараа моделите да обезбедат лекарско уверение за своето здравје. Ќе влијаат и во модните магазини во едиторијалите да не се ангажираат слаби девојки со нездрав изглед.
Иако Франсоа-Анри Пино, претседател и извршен директор на Kering, некое време ја имплементира оваа мерка во својата компанија, сепак сфатил дека работите треба да се движат побрзо. „Во март одлучив дека е доста. Ќе внесеме некои правила и сакам тие правила да се спроведат за следната модна недела. Не прифаќаме статус кво. Ако некој мораше да дејствува, тоа сме ние. Решивме да делуваме поагресвно во нашата заложба, со верување дека треба да поставиме примерот во овој домен, да го преземеме водството и да ги примениме соодветните правила“, вели тој.
Пино барајќи да се осигура дека неговите мерки ќе бидат ефективни, контактирал со LVMH, и увидел дека и во таа компанија исто така работеле на проблемот и биле подготвени да се здружат за да создаде обединет фронт. „Здравјето и добросостојбата на моделите се многу важни за нас. Како лидер во луксузниот сектор имаме одговорност во градењето на нови стандарди во манекенството“, соопшти Антоан Арно од LVMH.
Во текот на изминатите неколку години имаше напори од француската влада и разни групации да ги тргнат од писта и од рекламите манекенките помлади од 16 години и оние со нездрав изглед, но се чинеше дека правилата тешко се спроведуваат и имаше мали промени во рамките на индустријата. Сепак, сега кога двата главни луксузни конгломерати застануваат зад заедничка цел, постои веројатност да се смени начинот на кој работи манекенската индустрија. Новите мерки ќе се спроведат уште месецов додека траат модните недели.
LVMH во своето портфолио ги има брендовите Louis Vuitton, Dior, Hennessy, Givenchy, Celine, Loewe, Zenith, Tag Hauer, Berluti, Guerlain Parfums, Kenzo Parfums, Sephora, Acqua di Parma, Benefit Cosmetics, додека под Kering функционираат Gucci, Balenciaga, Yves Saint Laurent, Stella MacCartney, Alexander McQueen, Bottega Veneta, Brioni, Christopher Kane, Tomas Maier, Boucheron, Puma, Pomellato.
Линк до правилникот на LVMH тука, заедничката повелба објавена и на веб страницата на Kering може да ја видите на овој линк.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари