Фондацијата на модната групација Kering се здружи со една друга фондација, HER, за да ја лансира шестата по ред кампања „Бела лента за жените“ против насилството врз жени и деца. Оваа година амбасадори во проектот се дизајнери кои работат под капата на Kering – Стела Макартни, Алесандро Микеле („Гучи“), Кристофер Кејн и Џозеф Алтузара, а им се придружија актерите Салма Хајек и Денис Чан. Целта на кампањата е да се подигне свеста за проблемот со насилството, чија жртва според статистиката е секој трет женски претставник. Придружете се на проектот користејќи го #ICouldHaveBeen хаштагот, а кампањата ќе биде заокружена на 25 ноември, меѓународниот ден за елиминација на насилството врз жените.
„Сите ние можевме да се родиме како девојче. Да се родиш како девојче не треба да се изедначува со поголем ризик од насилство, но за жал тоа е случај во денешниот свет. Сите ние треба да се вклучиме во оваа борба“, смета претседателот и извршен директор на Kering, Франсоа-Анри Пино.
За дизајнерите кои се вклучени во кампањата, ова прашање е особено проблематично. „Мојата сестра Тами и јас бевме растени со еднакви права“, вели Кејн. „Денес постојат многу етикети кои се користат за да нè дефинираат. Ние сите треба да бидеме еднакви, со оглед на истите можности“.
За да ги нагласат постојните нееднаквости, дигиталната кампања побара амбасадорите да преземат нови имиња. Додека Макартни и Хајек стануваат под називот „неа“, за да покажат солидарност со преживеаните, мажите ги откриваат имињата што нивните родители би им ги дале доколку се роделе како девојчиња. Па така Кристофер станува Кристин, Алесандро е Камила, а Џозеф Џулиет.
„Тоа што ги прашав моите родите да ми кажат како би ме крстиле ако се родев девојче многу ми ги отвори очите. Вознемирувачки е да помислам дека како Џулиет можев да бидам помалку безбеден или помалку моќен. Жените не се послабиот род, ние мора да се осигураме дека никогаш нема така да ги третираме“, вели Алтузара.
Емпатијата и солидарноста помеѓу мажите и жените се клучни компоненти на годинешната кампања. Како што додава Макартни, „Ние, како жени, сме тим. Мораме да се поддржуваме и да се држиме заедно. Мажите ја покажуваат својата поддршка, а сега ние мора да ги здружиме силите“.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари