Култниот режисер во текот на својот креативен живот се впушти во повеќе различни области, не само како режисер, туки и како сликар, музичар, писател, актер, дизајнер, фотограф, најновата улога на Дејвид Линч е креирање на накит инспириран од трансцедеталната медитација. Линч претходно дизајнирал и амбалажа за пиво и ноќен клуб во Париз, а новиот креативен израз е резултат на интересот за трансцеделална медитација, техника што ја практикува повеќе од 40 години и која ја промовира преку David Lynch Foundation, неговата фондација со фокус на здравје, медитација и добросостојба. Колекцијата е наречена Meditating Eye, содржи ѓердани, машки и женски алки со мотив на таканареченото „зло око“ кое е отворено на едната и затворено на другата страна на привезоците, а процент од продажбата оди за неговата фондација.
„Колекцијата „Медитирачко око“ е создадена како симбол, со цел да го поттикне секое човечко суштество да пристапи до тој океан на чиста свест во себе“, рече Линч за мотивот на колекцијата. Донацијата од продажбата на накитот ќе се пренасочи за помош на ветерани и жртви на семејно насилство преку техниката на трансценденталната медитација. Фондацијата на Линч основана во 2005 година, исто така им помага на бездомниците, затворениците и луѓето кои живеат со ХИВ / СИДА.
Нема коментари