Свилените колоритни палта, дизајнираните кожени модели, елегантните долги фустани и парчињата со машки крој, но нагласена женственост од колекција „Големата убавина“ (The Great Beauty) накреаторката Јована Филиповиќ вчеравечер можеа да се видат одблизу во концептуалната продавница и бистро Wonderlust. Моделите на Филиповиќ кои премиерно беа презентирани неодамна на Моден викенд-Скопје се едни од најбараните и највпечатливите за сезоната есен-зима 2016/17 .
Во пријатниот амбиент на Wonderlust, надополнет со музиката по избор на диџеј Андреј Мицајков и коктелите специјално приготвени за овој настан, гостите имаа можност да поразговараат со креаторката и да ги пробаат омилените креации. Колекцијата „Големата убавина е инспирирана од италијанскиот филм La grande bellezza („Големата убавина“) на Paolo Sorentinni. Моделите се кохезија на модерните, хедонистички и декадентни трендови испреплетени со носталгија по времето на вистинска убавина и гламур.
Покрај во Wonderlust моделите од колекцијата може да се нарачаат и набавати во студиото на Филиповиќ, како и онлајн.
Нема коментари