Добро скроениот костум е одлика на секој современ џентлмен, но прашање е дали добро го комбинирате со другите модни парчиња. Сите елементи треба да бидат комплементарни со костумот – од марамчето во џебот на сакото до чевлите и чорапите. Ова се основни правила како да го споите костумот со бојата на кошула или со чевлите. Секако се прават отстапки од овие правила кога сакате да се постигне повпечатлив изглед, но ова се основните и најсигурните насоки со кои нема да погрежите.
Кошулата е основно парче
Tреба да имате барем пет кошули кои одговараат на еден одреден костум за да постигнете повеќе комбиинации. Белата и светлосината се најсигурни опции и тие одговараат со сите бои на костум.
Кошула + костум
Никогаш нема да погрешите со класична бела кошула, таа се комбинира со сите стилови и тонови. Ако кошулата е еднобојната, костумот може да биде со принт, а ако кошулата е со каро, оделото нека е во една нијанса.
Кошула + вратоврска
Толку многу бои, шари, текстури… потрагата за вратоврска не е лесна. А таа треба да биде комплементарна со доминантната боја во целосниот изглед. Може да одберете модел во ист тоналитет (светлосина кошула + потемно сина вратоврска + тегет костум). Или црвена за контраст со целиот аутфит. Други правилни миксови: сив костум + бордо вратоврска; црн костум + бордо вратоврска; светлосин костум + црна вратоврска.
Чорапи + костум
Најсигурна техника е чорапите да се совпадната со бојата на панталоните.
Костум + чевли
Секогаш носете црни чевли со црн костум. Може да ги облечете и со тегет костум. Чевлите во темни бои одговараат на црн, тегет, сив и темно кафен костум. Чоколадно кафените чевли одговараат на тегет и сиви одела, а светлокафените со сини и сиви костуми.
Костум + манжетни
Се сметаат за спореден додаток, но некогаш имаат главна улога кога сакате да додадете личен печат во аутфитот и како дел од формалниот стил. Кога носите бела кошула може да експериментирате со која било боја, облик или мотив на манжетни. Златните дизајни се истакнуваат со светлосина или тегет кошула, црниот оникс одговара на црна вратоврска.
Џепно марамче + костум + вратоврска
Од џентлмените на Pitti Uomo до корпоративните кареиеристи џепното мамрамче стана есенцијална компонента од костумот. Џепното марамче, костумот и вратоврска се спаруваат по боја, но експериментирајте со материјалите и текстурата. Најдобро е марамчето да е со шара, а секундарната боја да одговара со кошулата.
Кожени детали
Ако работниот дрескод бара костум инвестирајте во квалитетни модни додатоци – ремен, актовка и чевли. Правилото вели кожените чанта и ремен секогаш треба да се совпаѓаат, пожелно е и работната чанта. Бирајте црни детали ако сте во корпоративниот свет, кафените носете ги за викенд.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари