Румор отсега и во Скопје. После продавницата во Охрид, тимот на Румор отвори концептуално студио и во главниот град во кое покрај Румор колекцијата може да се најдат и најпопуларните парчиња од Ристо, Монографи, СЕВ и други. Следбениците на Румор ќе ги откријат модните насоки од новата сезона кои се прилагодени за македонскиот пазар.
Румор го достигна своето надополнето и надградено ниво на старата локација каде што пред звесно време се одржа PopUp настан – на ул. Наум Наумовски Борче во близина на Sushi Co, Mad Kitchen, 7 грама еспресо и Coffee Factory. На пред-отворањето што се одржа овој викенд се појавија голем број на ексклузивни гости кои уживаа во уникатната атмосфера создадена од музиката која го отсликува модерниот моден тренд, street-fashion доведен на ниво на висока мода.
Тоа што фановите може да го забележат ќе биде константен дел од македонската сцена. Секое парче од колекциите го привлекува вниманието на тие кои се подготвени целосно да се впуштат во откривањето на нови димензии од нивниот идентитет. Секоја колекција е „ниш“ приказна со посебен артизански допир.
Покрај изборот на модни парчиња од нашиот познат моден дизајнер Ристо Бимбилоски и од Румор колекцијата сопствениците на ова концептуално студио сакаат да го пренесат своето модно искуство од нивните соработки со Луи Витон, Кензо, Ралф Лорен, Роберт Грахам и други. Ова им овозможува да ги отворат своите безвременски колекционерски архиви за продажба. Така Румор ќе ја засити потребата за оригинални и уникатни брендови во Македонија, создавајќи простор за модата да тлее константно. Дел од овие архиви се веќе резервирани.
Румор колекцијата на машки обувки ќе оствари посебен досег, а истиот ќе биде продолжен и од колекциите на Феручи и Соња Рикел.
Духот на развојот на македонската мода останува со Румор преку соработката со млади македонски таленти како Фарина од Струга и Есма Казим од Охрид. За да ја задоволи својата љубопитност Румор е и понатаму во потрага по нови и млади македонски артизани…
Нема коментари