„Една прави“ во остварување на своите соништа за пристап до органска и жива козметика преку соработка со „Еурофарм“
Во името на единствената иновативна компанија за производство и продажба на високо квалитетна козметика од сертифицирани органски и јадливи суровини, „Една прави” која е „ќерка” компанија на граѓанската организација „Една може!” Скопје, за родова еднаквост и женски права, најсилна во работата за унапредување на правата на самохраните мајки, со задоволство споделуваме информација за нашите први, најголеми и најдраги партнери „Еурофарм“.
„Еурофарм“ докажува дека е пријателка на општеството и здравиот „лајф стајл“ и вака заеднички, дејствуваме во насока на зајакнување на еколошката свест, во областа на нега за кожа, но и во ридонесот кон унапредување на самохраните мајки, низ отварање на можности за економско јакнење преку „Една прави“.
„Една прави“ е создадена за да го задоволи недостатокот од органска, жива и еколошка високо квалитетна козметика, од домашно потекло. Наменета е за потребите на оние кои се грижат за себе, своите најмили и животната средина, долгорочно, здраворазумно и ефективно. За сите оние кои што не сакаат да внесуваат тешки метали, парабени, конзерванси и слични отрови кои ги содржат индустриски произведените козметики.
За сите оние кои што веруваат во силата на природата и моќта на чистата енергија, и затоа одбираат да користат препарати директно од изворите на планетата земја. Според докажано успешни формули и рецептури, на нашите баби, но и на експертиките од различни континенти. Сега, прв пат, во Македонија, квалитативно контолирани, сирови и неодоливи.
Ви ги претставуваме органските и живи производи за хигиена и нега „Една прави“: сирови, сертифицирани путери од какао и од шеа, органски, сертифицирани меки восоци, кондиционери од овошки и житарки, медицински сапуни за проблематични стопала, за атопичен дерматитис, за слабеење, за најнежната детска кожа, скрабови од зачински билки и девствени масла од слатки бадеми, семки од грозје, со мацерати од диви цветови.
Од април оваа година, за прв пат, ексклузивно, во аптеките на „Еурофарм“ во Скопје и во Битола.
Козметика создадена од љубов, со љубов, за да покаже љубов!
Нема коментари