Викендов во Белград се одржа свадбата на српскиот принц Филип Караѓорѓевиќ и уметницата Даница Маринковиќ, прва кралска свадба во Соборната црква уште од 1922 година. Веселбата после црквената венчавка продолжила во Бели двор, поранешна кралска резиденција на династијата Караѓорѓевиќ, а главни гости беа блиското семејство на младите – родителите на Филип, престолонаследникот Александар и принцезата Марија да Глорија Ореланс-Браганза, неговите браќа Петар и Александар, и родителите на Даница, Беба и познатиот српски сликар Циле Маринковиќ.
Венчаницата на новата српска принцеза е со потпис на Роксанда Илинчиќ
Новата српска принцеза Даница носеше венчален фустан со потпис на познатата српска дизајнерка која работи во Лондон,Роксанда Илинчиќ. Тимот на дизајнерката се погрижи за целиот стајлинг. Даница е графички дизајнер и уметница која животот го помина на релација Белград-Париз, а во последните месеци со Филип престојува во Лондон.
Мајката на принцот Марија да Глорија Ореланс-Браганза, Филип Караѓорѓевиќ, Даница, Циле Маринковиќ, српскиот престолонаследник Александар Караѓорѓевиќ и Беба Маринковиќ
Кралската свадба привлече големо внимание, меѓу гостите беа забележани идната кралица на Шведска принцезата Викторија, кралицата на Шпанија Софија, потоа кнегињата Јелисавета Караѓорѓевиќ, позната и како мајката на актерката Кетрин Оксенберг, други членови од светските кралски семејства и личности од српската јавна сцена.
Меѓу гостите шпанската кралица Софија и шведската принцеза Викторија
Кнегињата Јелисавета Караѓорѓевиќ со синот Сергеј и неговата сопруга Елеонора
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари