Шведскиот моден бренд H&M ја продолжува серијата еко-колекции направени од рециклирани материјали, за новата H&M Conscious Exclusive инспирацијата пронајде дома – во шведското Art&Craft уметничко движење и во работата на уметниците Карл и Карин Ларсон. Во седмата Conscious Exclusive се претставува новиот одржлив материјал ECONYL® − 100 % регенерирано влакно добиено од рибарски мрежи и друг најлонски материјал, а за прват се претставува колекција на накит направен од рециклирано сребро. Во изработката на модните парчиња користени се и рециклиран полиестер, TENCEL™ и органски лен, памук и свила.
Брендот како заштитно лице ја повика познатата супермоделка Кристи Тарлингтон Брнс, пример за елеганција и еко-одржлив животен стил, хуманитарка која ја води својата организација Every Mother Counts. „ Модата и одржливостa повеќе не се контрадикција. Со учеството во H&M Conscious Exclusive кампањата научив многу за одржливите материјали и за тоа колку далеку сме напреднале. Колекцијата е извонредно женствена и елегантна“, истакна Кристи. Кампањата ја фотогафира Михаел Јансен, а покрај Кристи се појавуваат и манекенките Гидре Дукаускајте и Амито Лагум.
„Иновациите на кои се темелат одржливите материјали постојано фасцинираат. Рециклираното сребро изработено е од отфрлен метал со минимално влијание врз животната средина, а ECONYL® 100% е од најлонски отпад, со што пружаме поддршка на иницијативата за чисти океани. Начинот на кој овие материјали се обработуваат во нашата Conscious Exclusive колекција покажува дека најновата технологија може да се вгради во веќе докажаните традиционални техники и со тоа да се постигнат фантастични резултати“, вели Ан-Софи Јохансон, креативна советничка на H&М.
Моделите се женствени, со малку ретро силуета за да асоцираат на преминот од 19 во 20 век, времето во кое твореле Карин и Карл Ларсон, таписериите и везовите на Карин може да се забележат како мотив на облеката, но целата колекција одговара на модерните девојки и жени кои негуваат еколошки освестен животен стил.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари