Во 80-тите и во 90-тите години Кристи Тарлингтон Брнс беше една од најуспешните и најубавите супермоделки на светската модна сцена. Заедно со Наоми Кембел, Синди Крафорд, Линда Еванелиста царуваше на модните писти и насловните страници. Во средината на 90-тите, кога беше на врвот на својата кариера, одлучи да се повлече од професијата, иако и во следните години повремено настапуваше и учествуваше во рекламни кампањи, но главно се посвети на едукацијтаа, здравиот живот, јогата и ајурведата. Подоцна и на семејството, а денес е голема активистка за правата на мајките и трудниците во светот преку својата организација Every Mother Counts.
Во разговор за списанието Humanity, месечен магазин на Citizens of Humanity, Кристи зборува дека тешко е да се работи како модел, иако многумина си замислуваат дека тоа е идеална професија исполнета со патувања, гламурозни ревии, ексклузивни забави и дружење со познатите. Зборувајќи за прекинот на својата манекенска кариера, Кристи спомнува дека некое тогаш ја сожалувале мислејќи дека се изгубила, а таа едноставно сакала да заврши факултет и да почне да живее поздраво.
-Се сеќавам само што конечно престанав да пушам, малку се здебелив и бев во Париз за ревиите на висока мода и се сеќавам си помислив ‘Ќе направам нешто здраво за мене и тие ме судат и не сакам повеќе да си го дозволам тоа’. Толку многу беше моќно чувството кога ќе го направите тој избор – објаснува Кристи за моментот кога одлулича да престане да се занимава со манекенкство и да не се оптеретува со туѓите критики.
Тарлингтон во 1994 се запиша на студиите по компаративна религија и источна философија на универзитет во Њујорк.
-За тоа размислував долго време, можеби целосно не се откажав од манекенството, во мојата глава ми изгледаше како конечно да сум ја напуштила професијата. Се вратив во школо и продолжив со мојот живот. Се сеќавам ми кажаа дека додека некои други манекенки снимале едиторијал во Њујорк, ме виделе како одам на часови со ранецот на мене и си рекле ‘Кутратата таа’. Кутратата таа!? Се образувам, будали едни.
Нема коментари