По седумнаесет успешни поминати како дизајнер и креативен директор на „Барбери“, Кристофер Бејли си заминува од овој британски луксузен бренд. Дизајнерот поднесе оставка, но ќе остане на местото креативен директор сè до 31 март следната година, за да ја проследи презентацијата на новата колекција. Потоа ќе работи со извршниот директор на брендот Марко Гобети, и ќе ја поддржи модната куќа до крајот на 2018 година, кога официјално во целост ќе престане да работи во „Барбери“.
-Голема чест ми беше да работам со толку голем тим сите овие години. Бизнисот беше многу инспиративен и беше тешко да донесам одлука да го напуштам брендот. Верувам дека брендот „Барбери“ го очекуваат подобри времиња и компанијата ќе ја зајакне својата позиција во рамките на веќе развиените стратегии. Би сакал да му се заблагодарам на целиот тим на „Барбери“ кој ми веруваше сите овие години. Сега сакам да се концентрирам на моите проекти – изјави Бејли.
Бејли по дипломирањето на престижниот Кралски колеџ за мода во Лондон работеше за Дона Каран, потоа во „Гучи“ во ерата на Том Форд, а во „Барбери“ дојде во 2001 година. Полека и сигурно градеше успешна дизајнерска и деловна приказна, и успеа да ја модернизира модната куќа основана уште во 1856 година. Во текот на годините креираше инспиративни колекции во кои го вметнуваше и познатиот мантил, всушност Бејли успеа „Барбери“ да го претвори од „изуметил на мантилот“ во препознатлив и финансиски вносен моден бренд кој се осмели да воведе неколку пионерски промени на светската модна сцена.
Не е познато што Бејли ќе работи после „Барбери“, а веќе почнува потрагата за нов дизајнер во куќата. Прво име околу кое се шпекулира е Фиби Фајло која неодамна излезе од париската мода куќа „Селин“.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари