Ивана Лисак повторно беше во Скопје да ги претстави новите убавини на козметичкиот бренд Lancôme и со неа се видовме на несекојдневна дружба во скопскиот хотел „Мериот“. Регионалната мејкап артистка на оваа престижна козметичка куќа ни ги претстави новите производи, расположението беше дополнето со розовата како актуелна боја на актуелната сезона, а главен мотив розата како симбол на Lancôme. На дружењето ги пробавме новитетите за зима 2017, се шминкавме и научивме по некој совет од Ивана и консултантките на брендот.
Приказната за новитетите ќе ја почнеме со La Vie est Belle L’Éclat, новата верзија на парфемот La Vie est Belle, која нуди цветна свежина и неодолива комбинација на цвет од портокал, есенции на роза и јасмин, опојни тонови на беграмот и мандарина. Во составот има и други цветни ноти, а крајниот мирис е спакуван во шишенце со преку 200 вдлабнатини кои созадваат калеидскопско прекршување на светлината. Ако ви се допадна оригиналната верзија, La Vie est Belle L’Éclat уште повеќе ќе ве одушеви.
„Бидете подготвени да живеете интензивно, живот во розово“ порачува Lancôme во најавувањето на новата линија на сјај за усни Lancôme L’Absolu Roses, кој доаѓа во повеќе бои и во три варијанти L’Absolu Velvet Matte е во мат фуниш, во L’Absolu Gloss спаѓаат оние со крем и проѕирносветкав изглед. Апсолутно овие сјајеви се задолжителен дел од шминката оваа зима.
Производ кој ви го препорачуваме е и новата маскара Lancôme Monsieur Big, важен сојузник за смел изглед на очите кој нуди голем волумен на трепките преку цел ден. Брендот вели дека оваа маскара нуди 12 пати повеќе волумен, долготрајно дејство и XXL трепки со само еден потег. Тајната на оваа маскара е во комбинацијата на брановидната четка и формулата која гарантира зголемување на волуменот. За подобро дефинирање на очите Lancôme создаде моливчиња за веѓи со апликатор за обликување (Monsieur Big Brow) и туш за очи во вид на маркер (Monsieur Big Marker).
Дел од зимската шминка нека ви се состои и од Тeint Idole Ultra Longwear Foundation Stick, долготрајна и богато пигментирана пудра во форма на стик, која обезбедува целосна покриеност, но поради иновативната формула дава сосема природен и мат изглед. Откако претходно се запознавме со пудрата со перниче (Teint Idole Ultra Cushion Foundation), која што се смета за иновација на Lancôme, сега ви го препорачваме и руменилото со cushion-перниче – Cushion Blush Suptil. (К.Т.)
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари